یەکم پتروس 1:22 - کتاب مقدس به زبان کردی جنوبی - گویش کلهوری

²² ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 1:22 Referans Kwoze

یەکم نامەێ تیموتاوس 1:5

ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

عبرانییل 13:1

بیلن مابەت برایی بەردەوام بود.

یەکم یوحەنا 4:12

هویچکەس هەراێهەر خودا نێه. ئەگەر ئیمه یەکترەکی مابەت بکێم، خودا وەناومان نیشتەجێه و مابەتەگەێ وەناومان وه کەماڵ ڕەسیه.

یەکم یوحەنا 4:7

ئێ عەزیزەیل، بان تا یەکترەکی مابەت بکێم، چوینکه مابەت له خوداس و هەر کەسێگ که مابەت کەی، له خودا هاتیەسه دنیا و خودا ناسی.

یەکم پتروس 3:8

دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یاقوب 4:8

وه خودا نزیکەو بوین، که ئەیویش وەپێدان نزیکەو بود. ئێ ئیوه گوناکاریل، دەسيلدان پاکەو بکەن و ئێ ئیوه هوکی هوکییەل، دڵیلدان پاکەو بکەن.

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

یەکم تسالونیکییل 3:12

و هەر ئەوجورە که مابەت ئیمه وه ئیوه فرەوه بود، خوداوەند مابەتدان وه یەکترەکی و وه گشت مەردم فرەوه بکێ و فراوانیەو بکێد.

یەکم یوحەنا 4:20

ئەگەر کەسێگ بویشی ”خودا دوس دێرم“ و قینێ له براگەێ خوەێ باێ، ئەوه دروزنه. چوینکه کەسێگ که براگەێ خوەێ که وه چەو دیه، دوسی نیاشتود، نیەتویەنی خوداێگ که وه چەو نیه، دوس بیاشتود.

یەکم پتروس 2:17

حرمەت گشتیەکی بگرن، برایل مابەت بکەن، له خودا ڕخدان بچود و حرمەت پادشا بگرن.

کاریل ڕەسولەیل 15:9

ئەیو وەناو ئیمه و ئەوانه هویچ جیاوازێگ نەنا، بەڵکەم وه ئیمان، دڵیلێان پاکەو کرد.

یەکم یوحەنا 3:11

چوینکه ئیه هەر ئەو پێخامەسه که له سەرەتا شنەفتینه، که باێه یەکترەکی دوس بیاشتویم.

دویم پتروس 1:7

وه مل خوداناسی، دوسی براێانه و وه مل دوسی براێانه، مابەت.

نامەێ فیلیپییل 1:9

دوعای مه ئیەسه که مابەتدان فره فرەوه بود و وەگەرد ناسین و فام کامڵێگەو هاوڕێ بود،

ئەفسوسیێل 4:3

فڕه تەقالا بکەن تا ئەو یەکی بین روح خودا، وه مەیەت بەن ئاشتی و سڵامەتی بپارێزنن.

نامه وە غەلاتییل 5:5

چوینکه وه وەسلەێ روح خودا و له ڕێ ئیمانه که ئیمه خوەمان وه ئەزرەتەو چەوەڕێ ئەو سالح بوینیمنه که وه ئمێدێەو دەیمنەێ سەر.

وەحی وه یوحەنا 2:4

«وەلێ ئی گلەیێه له لێد دێرم، ئەو مابەته که له سەرەتا داشتی، نایدەسه لا.

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.

عبرانییل 11:8

وه ئیمان بی که ئێبراهیم پەێخەمەر وەختێ دەنگ کریا، تا بچوده ئەڕا شونێگ که وەشونێ وه میراتی گردیاد، گوش تەکان؛ هەرچەن نیەزانست چوده ئەڕا چ شونێگ وەلێ کەفته ڕێ.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.

دویم قورنتییل 6:6

وه پاکێ، وه ماریفەت، وه سەور، وه مێرەبانی، وەگەرد روح‌القودوس، وه مابەتێگ که دوڕویی وەناوێ نیه،

یوحەنا 15:17

حوکم من وه ئیوه ئیەسه که یەکترەکی مابەت بکێن.

یەکم پتروس 3:1

هەر وه ئیجور، ئیوه ئێ ژنيل، گوش له شوییلدان بتەکنن تا ئەگەر تەنانەت بڕێگ گوش له کەڵام خودا نەتەکنن، بی ئەوه که کەلیمەێگ وه زوان بارین، وه بونەێ ڕێ رەوشت ئیوه ژنیلێان بان وەرەو لاێ کەڵام خودا،

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

دویم تیموتاوس 1:14

وه مەیەت روح‌القودوس که لەناو ئیمه نیشتەجێه، هوشده ئەو ئەمانەت خاسەو بود که وه پێد سپاریاس،

یەکم نامەێ تیموتاوس 5:2

و ژنيل سن ساڵ دار هەر جور داڵگيل و ژنيل جوانتر هەر جور خویشگیل خوەد، له پاکێ تەمام.

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

یەکم نامەێ تیموتاوس 1:3

ئەو جورەکه له وەخت هاتنم وه مەنتەقەی مەقدونیه پاملد بیم، وه دواره له لێد توام وەناو ئەفسوس بمینێ تا وه بڕێگ فەرمان بێید که تالیمی تر نیەن

دویم تسالونیکییل 2:13

وەلێ ئێ برایل که عەزیز خوداوەندین، ئیمه باێه هەمویشه وەخاتر ئیوه سپاس خودا بکێم، چوینکه خودا ئیوه جور نەوبەر هەڵوژارد تا وه وەسلەێ کار تەقدیسکە‎‏ر روح خودا و ئیمان وه ڕاسی، نجات پەێا بکێن.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

نامه وە غەلاتییل 5:7

خاس دەویاین. کی نوای ڕێەگەدان گرد تا له ڕاسی گوش نەتەکنین؟

رومیەگان 8:13

چوینکه ئەگەر وه پێ جەسه زنەیی بکێن، مرین؛ وەلێ ئەگەر له ڕێ روح خودا، کردەوەێ جەسه بکوشین، زنەیی کین.

رومیەگان 2:8

وەلێ وه خودپەسەنیل و ئەوانه که له ڕاسی گوش نیەتەکەنن بەڵکەم گوش له نادرسێ تەکنن، توڕەیی و خەزەو ڕشنێ.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

یوحەنا 17:17

وەناو ڕاسی تەقدیسان بکه؛ کەڵام تو ڕاسیه.

یوحەنا 15:3

ئیوه ئێرنگه وەبونەێ کەڵامێگ که وەپێدان وەتمه، پاکین.

کاریل ڕەسولەیل 6:7

جا کەڵام خودا پەخشەو بویاد و ژمارەێ شاگردەگان له شار ئورشەلیم فره فرەوه بی و جەم فرەێگ له کاهنيلیش ئیمان هاوردن.

یوحەنا 17:19

وەبونەێ ئەوانه خوەم تەقدیس کەم، تا ئەوانیش وەناو ڕاسی تەقدیس بون.

یاقوب 1:21

جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.