یەکم پتروس 1:2 - کتاب مقدس به زبان کردی جنوبی - گویش کلهوری

² وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەکم پتروس 1:2 Referans Kwoze

دویم تسالونیکییل 2:13

وەلێ ئێ برایل که عەزیز خوداوەندین، ئیمه باێه هەمویشه وەخاتر ئیوه سپاس خودا بکێم، چوینکه خودا ئیوه جور نەوبەر هەڵوژارد تا وه وەسلەێ کار تەقدیسکە‎‏ر روح خودا و ئیمان وه ڕاسی، نجات پەێا بکێن.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

عبرانییل 12:24

هاتینەسه ئەڕا لاێ عیسا که ناوجێکەر پەێمانێگ تازەس و هاتینەسه ئەڕا لاێ خوین پاشیاێگ که له خوین هابیل خاستر قسیه کەید.

رومیەگان 11:2

خودا قەومەگەێ خوەێ که وەرجەوە ناسی، ڕەد نەکردیه. ئێ نيەزانين نویسریای موقەدەس له باوەت ئەلیاس پەێخەمەر چه ئویشێ؟ له باوەت ئیه که ئەوه چوی لەلاێ خوداوه له دەس قەوم ئێسرائیل گلەی کێ و ئویشێ:

دویم پتروس 1:2

وه وەسلەێ ناسین خودا و خوداوەند ئیمه عیسا، فیز و ئاشتی و سڵامەتی فرەفره وه ملدانەو بود.

کاریل ڕەسولەیل 2:23

ئی عیسا وه پێ نەخشه و پێشدانی خودا دریاد دەسدانەو، ئیوه وه دەس گوناباریل وه سەلیب کیشاینێ و کوشتینێ.

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

یەکم قورنتییل 6:11

بڕێگ لەلێدان جاران ئیجوره بین، وەلێ وه ناو عیسا مەسیح خوداوەند و له ڕێ روح خودامان شوریاینه، تەقدیس کریاینه و سالحان وه حساو هاتینه.

مەرقوس 13:27

ئەوه فریشتەیل کل کەی و ئەوانه که هەڵێانوژاردوی له چوار پەر جهان، له ئی سەر زەوی تا ئەو سەر ئاسمان، وه دەور یەکەو گردەو کەی.

مەرقوس 13:20

ئەگەر خوداوەند ئەو ڕوژیله کوڵەو نەکردیا، هویچ ئایەمی گیان ساق وه دەر نیەوەردیا. وەلێ وەبونەێ هەڵوژاردەیلی که خوەێ هەڵوژاردیه، ئەو ڕوژیله کوڵەو کردێه.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

رومیەگان 16:19

چوینکه دەنگ گوش تەکانندان وەناو گشتیەکی پێچیاس؛ جوری که له باوەت ئیوه فره خوەشاڵم. وەلێ لەلێدان توام له باوەت هەر چشتێگ که خاسه زانیار و له باوەت هەر چشتێگ خراوه، ساده بوین.

رومیەگان 8:33

کیه که بخت بکێده هەڵوژاردەیل خودا؟ خوداس که ئەوانه سالحان وه حساو تیەرێ!

لوقا 18:7

ئێرنگه، خودا وه داد هەڵوژاریایل خوەێ که شەو و ڕوژ وه دەرگاێ هاوار کەن، نیەرەسێ؟ ئی کاره هەر خیدی دما؟

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 24:22

ئەگەر ئەو ڕوژیله کوڵەو نویاتیاد، هویچ بەشەرێگ گیان ساق وه دەر نیەوەردیا. وەلێ وەبونەێ هەڵوژاردەیل ئەو ڕوژیله کوڵەو بود.

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

عبرانییل 11:28

وه ئیمان بی که موسا پسەخ و پاشین خوین وه جێ هاورد تا فریشتەێگ که یەکم زگیل له بین بردیاد، وه یەکم زگیل ئێسرائیل دەس دریژی نەکەید.

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 8:13

چوینکه ئەگەر وه پێ جەسه زنەیی بکێن، مرین؛ وەلێ ئەگەر له ڕێ روح خودا، کردەوەێ جەسه بکوشین، زنەیی کین.

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

کاریل ڕەسولەیل 15:18

کاریلێگ که له جارانەو مالوم بوی.“

یەهودا 1:2

بەزەیی و ئاشتی و سڵامەتی و مابەت، فرەفره وه ملدانەو بود.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

دویم قورنتییل 13:14

فیز خوداوەند عیسا مەسیح، مابەت خودا و هاوبەشی روح‌القودوس وەگەرد گشتدانەو بود.

دویم قورنتییل 10:5

ئیمه هەر باسێگ و هەر گومان قوڕات قویگ که وەنواێ ماریفەت خودا وسێد له بین بیمن و هەر فکرێگ ئەڕا گوش تەکانن له مەسیح وه بەن کیشیم و

رومیەگان 11:28

له باوەت ئینجیل، جویلەکەیل وەبونەێ ئیوه، دشمەنن؛ وەلێ له باوەت دەسنیشان خودایی، ئەوانه وەبونەێ باپیریلێان، عەزیز خودان.

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

مەرقوس 13:22

چوینکه مەسیحیل دروەکانی و پەێخەمەریل دروەکانی ئاشکرا بون و نیشانەیل و موجزەیل تیەرن تا ئەگەر بکرێ، هەڵوژاردەگان گومڕا بکەن.

ئنجیل مەتا 24:31

ئەیو فریشتەگانێ وه دەنگ بەرز شەیپور کل کەی و ئەوانه هەڵوژاردەگان ئەیو له چوار پەر جهان، له ئی سەر تا ئەو سەر ئاسمان، وه دەور یەکەو گردەو کەن.

دویم یوحەنا 1:13

مناڵیل خویشک هەڵوژاریاید سڵامه پێد رەسنن. ئامین

دویم یوحەنا 1:1

له من شێخ، وه خاتوین هەڵوژاریای و مناڵەگانێ که وەناو ڕاسی دوسیان دێرم، نه تەنیا من، بەڵکەم گشت ئەوانیش که ڕاسی ناسن،

یەکم پتروس 1:14

هەر جور مناڵیلی که گوش تەکنن، هاوشیوەێ هەواوهەوەسیلێگ که له دەورەیل نەفامی جاراندان داشتین، نەون.

یەکم پتروس 1:19

بەڵکەم وه خوین گران قیمەت مەسیح، وه خوینێگ جور خوین وەرک بێ عێب و بی لەکه.

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.