یەکم یوحەنا 5:4 - کتاب مقدس به زبان کردی جنوبی - گویش کلهوری

⁴ چوینکه هەر کەسێگ له خودا هاتیەسه دنیا وه ئی جهانه زاڵ بود. ئیمانمان ئەو سەرکەفتنەسه که وه جهان زاڵ بویه.

یەکم یوحەنا 5:4 Referans Kwoze

یەکم قورنتییل 15:57

وەلێ سپاس ئەڕا خودا که له ڕێ خوداوەندمان عیسا مەسیح سەرکەفتن بەخشیەسه پێمان.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

یەکم یوحەنا 3:9

هەر کەسێگ له خوداوه هاتیەسه دنیا، وەناو گونا زنەیی نیەکێ، چوینکه توخمتەرەکەێ خودا وەناوێ نیشتەجێه. جا ئەوه نیەتویەنی وەناو گونا بەردەوام بمینێ چوینکه له خوداوه هاتیەسه دنیا.

یەکم یوحەنا 5:5

کیه که وه جهان زاڵ بود؟ بێجگه ئەوه که ئیمان دێرێ عیسا کوڕ خوداس؟

وەحی وه یوحەنا 3:21

«هەر کەسێگ بوێدەو، وەپێ ئجازەێ دانيشتن وەگەردمەو وه مل تەختەگەێ خوەم بەخشم، هەر ئەوجورە که مه بردمەو وەگەرد باوگم وه مل تەختەگەێ دانیشتم.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

وەحی وه یوحەنا 3:5

هەر کەسێگ که بوێدەو، ئیجوره وه دڵنگێگ چەرمێگ ڕەژێیدەو جا ناوێ هەراێهەر له دەفتەر زنەیی پاکەو نیەکەم، بەڵکەم ناوێ وه لاێ باوگم و فریشتەیلێ وه زوان تیەرم.

وەحی وه یوحەنا 2:11

«ئەوه که گوش دێرێ بشنەفێد که روح خودا وه کلیسایل چه ئویشێد. هەر کەسێگ بوێدەو، له مەرگ دویم زیانێگ نیەوێد.

وەحی وه یوحەنا 3:12

هەر کەسێگ بوێدەو، ئەوه کەمه کوڵەکەیگ له ناو مابەد خوداێ خوەم. ئەوه هەراێهەر ئەوره نێلیده جێ. وه ملێەو ناو خوداێ خوەم و ناو شار خوداێ خوەم، یانێ ئورشەلیم تازه که له لاێ خودا خوەم له ئاسمان تێدە خوار، نویسم و ناو تازه خوەم نویسم.

وەحی وه یوحەنا 2:26

«هەر کەسێگ بوێدەو و کاریل مه تا وه ئاخره بپارێزنێ، له سەر ملەتیل وه پێ دەسڵات بەخشم،

یەکم یوحەنا 5:1

هەر کەسێگ ئیمان وه ئیه دێرێ که عیسا هەر ئەیو مەسیح وادەدریاێەسه، ئەوه له خودا هاتیەسه دنیا. هەر کەسێگ باوگ دوس دێرێ، کەسێگیش که له لێ هاتیەسه دنیا دوس دێرێ.

وەحی وه یوحەنا 15:2

جا چشتێگ دیم که مینستیاده دەریاێگ له شیشه که هامیته وه ئاگر بی، هەرئیجوره له لاێ دەریاێگ له شیشه کەسیلێگ وه سەر پاوەو دیم که وه مل گیانەوەر دڕنه و پێکەرەگەێ و ژمارەێ ناوێ زاڵەو بوین. ئیانه چەنگیلێگ له دەسێانەو بی که خودا داویدەێ پێان.

وەحی وه یوحەنا 2:7

«هەرکەسێگ گوش دێرێد بشنەفێد که روح خودا وه کلیسایل چه ئویشێد. هەر کەسێگ بوێدەو، وه پێ ئجازەێ خواردن له دار زنەیی بەخشم که ها ناو بەهیشت خودا.

وەحی وه یوحەنا 2:17

«ئەوه که گوش دێرێد بشنەفێد که روح خودا وه کلیسایل چه ئویشێد. هەر کەسێگ که بوێدەو، وه ئەوه له ئەو نان ’مەنا‘ دەمه پێ که شاریاسەو. هەر ئەوجورە کوچگ چەرمگیش بەخشمه پێ که وه بان ئەو کوچگه ناو تازەێگ نویسریاس، ناوێ که کەس نیەزانێ چەس، بێجگه ئەوه که گرێدەێ.

یوحەنا 1:13

ئەوانه که نه له خوین و گوشت، نه وه خاست جەسه، نه وه خاست یەێ پیا، بەڵکەم له خودا هاتنەسه دنیا.

یوحەنا 3:3

عیسا وه جواوێ وەت: «وه ڕاسی، وه ڕاسی، وەپێد ئویشم، تا کەسێ وه دواره ناێده دنیا، نیەتویەنی پادشایی خودا بوینێ.»

یەکم یوحەنا 2:29

ئەگەر زانین که ئەیو سالحانه، جا دڵنیاین که هەر کەسێگ ئەو چشته که درسه وه جا تیەرێ، له لێ هاتیەسه دنیا.

یەکم یوحەنا 5:18

ئیمه زانیمن که هەر کەسێگ له خودا هاتیەسه دنیا وه گونا کردن بەردەوام نیەمینێ، بەڵکەم ’ئەو کوڕ خودا که له خودا هاتیەسه دنیا‘ پارێزنێدێ و دەس ئەو شەڕئاشوه نیەرەسێده پێ.