یەکم یوحەنا 2:27 - کتاب مقدس به زبان کردی جنوبی - گویش کلهوری

²⁷ وەلێ له باوەت ئیوه، ئەو مەسح و دەسنیشانه که له ئەیو گردین، وەناودان نیشتەجێه. هەوەجیدان وه کەس نیه تا تالیمدان بێی، بەڵکەم مەسحەگەێ، له باوەت گشت چشتێگ تالیمدان دەێ. ئەو مەسحه، ڕاسەکانیه و دروەکانی نیه. جا هەر ئەوجورە که تالیمدان داس، وەناوێ نیشتەجێ بوین.

یەکم یوحەنا 2:27 Referans Kwoze

یوحەنا 14:26

وەلێ ئەو پشتیوانه، یانێ روح‌القودوس، که باوگ وه ناو منەو کلی کەی، گشت چشتێگ یاێدان دی و هەر چی که وەپێدان وەتمه، وه هویردان تیەرێ.

یەکم قورنتییل 2:13

جا ئیمه له ئیه قسیه کیم، ئەویشه نه وەگەرد کەلیمەیلێگ که وه وەسلەێ زانیاری ئنسانیه، بەڵکەم وەگەرد کەلیمەیلێگ که روح خودا تالیم دەێ؛ جا ویجوره حەقیقەتیل روحانی وەگەرد کەلیمەیل روحانی ئویشیمن.

یوحەنا 16:13

وەختێ که روح ڕاسی تێد، وه تەمام ڕاسی ڕێنمایدان کێ؛ چوینکه وه خوێەو هویچ نیویشی، بەڵکەم هەر چی بشنەفێ ئویشێ وه ئەو چشتیله که باێه ڕوی بێید وه پێدان جار دەید.

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

دویم یوحەنا 1:2

وەبونەێ ئەو ڕاسیه که وەناومان نیشتەجێ بیه و تا ئەبەد وەگەردمانەو مینێد.

یەکم یوحەنا 3:24

هەر کەسێگ حوکمیل ئەیو وه جێ بارێ، وەناو خودا نیشتەجێه، هەر ئیجوریشه خودا وەناوێ. له ڕێ روح خوەێ که بەخشیەسه پێمان، زانیمن که ئەیو وەناومان نیشتەجێه.

یەکم یوحەنا 2:28

جا ئێرنگه، ئێ ڕوڵەیل ورد، وەناو ئەیو نیشتەجێ بوین تا وەخت ئاشکرا بوینی دڵنیا بیمن و وەخت هاتنێ، وه لاێ شەرمزار نویمن.

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

نامه وه کولوسییل 2:6

جا هەر ئەوجورە که خوداوەند مەسیح عیسا قەبوڵ کردین، با وەناو ئەیو گام هەڵبگریم:

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

ئەفسوسیێل 4:21

هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

یوحەنا 6:45

وەناو کتاویل پەێخەمەریل نویسریاس ”ئەوانه گشتێان له خودا یاێ گرن.“ جا هەر کەس له باوگ ئاسمانی شنەفتوی و یاێ گردوی، تێدە ئەڕا لاێ مه.

یوحەنا 14:16

منیش له باوگ ئاسمانی داوا کەم و ئەیو پشتیوانێگ تر دەێده پێدان که تا ئەبەد وەگەرددان بمینێ،

یەکم قورنتییل 2:12

ئێرنگه ئیمه روح جهان نەگردیمنەسەوەر، بەڵکەم روحێگ که له لاێ خوداس، گردیمنەسەوەر تا ئەو چشتیلی که خودا وه دەسدڵوازی داسه پێمان، بزانیم.

دویم قورنتییل 1:21

جا ئیه خوداس که ئیمه وەگەرد ئیوه وه یەکەو بوین وەناو مەسیح بەردەوام کێ. ئەیو مەسح و دەسنیشانمان کردێه

یەکم تسالونیکییل 4:9

ئێرنگه له باوەت مابەت براێانەدان هەوەجی نێرین تا کەسێگ چشتێ ئەڕادان بنویسێ، چوینکه خوەدان له خودا یاێ گردینه که یەکترەکی‎ مابەت بکێن و