یەکم یوحەنا 2:16 - کتاب مقدس به زبان کردی جنوبی - گویش کلهوری

¹⁶ چوینکه هەر چی ها ناو جهان، له باوگ نیه بەڵکەم له جهانه، یانێ ئاوەختیێل جەسه و ئاوەختیێل چەو و لویتبەرزی ژیان.

یەکم یوحەنا 2:16 Referans Kwoze

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

نامه وە غەلاتییل 5:17

چوینکه ئاوەختیێل جەسه وه زد روح خوداس و ئاوەختیێل روح خودا وه زد جەسەس؛ چوینکه ئی دوانه وه زد یەکترەکین، ئەو جوره که دی نیەتویەنین هەر چی که تواین، وه جێ بارین.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

یاقوب 3:15

ئیجور زانیاریگ له ئاسمان ناتیەسه خوار، بەڵکەم هن زەویه و نەفسانی و شەیتانیه.

یەکم پتروس 2:11

ئێ عەزیزەیل، وه ئیوه که وەناو ئی جهانه بێگانه و غەریوین لاڵکمه پێدانەو، له هەواوهەوەسیل جەسەیی که وەگەرد گیاندان شەڕ کەن، خوەدان بپارێزنن.

دویم پتروس 2:10

وه تایبەتی ئەوانه که خوێان وەناو شاوەت هەواوهەوەسیل پێسکەر وێڵ کەن و دەسڵات سوک وه‎ حساو تیەرێن. ئیانه ئەوجورە کەلەڕەقن و لویتبەرز که له کفرکردن وه گەورایل ئاسمانی رخێان نیەچود؛

تیتوس 2:12

وه ئیمه یاێ دەێ که خودانەناسی و هەواوهەوەسیل دنیایی بنیمنه لا، وەگەرد زاڵ بوین وەسەرخوەمان و درسی و خوداترسی له ئی دەوره زنەیی بکێم و

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

یەکم پتروس 1:14

هەر جور مناڵیلی که گوش تەکنن، هاوشیوەێ هەواوهەوەسیلێگ که له دەورەیل نەفامی جاراندان داشتین، نەون.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

ئنجیل مەتا 5:28

وەلێ مه وەپێدان ئویشم، هەر کەس وه شاوەتەو بنوڕیده ژنیگەو، هەر ئەو ئانه وەناو دڵ خوێەو وەگەردیەو داوانپێسی کردێه.

لوقا 4:5

ئمجا ئبلیس بردێ ئەڕا شون بەرزێگ و وه یەێ ئان گشت مەمڵەکەتیل جهان وەپێ نیشان دا و

نامه وە غەلاتییل 5:24

ئەوانه که هن مەسیح عیسان، جەسه وەگەرد هەواوهەوەسیل و ئاوەختیێل کیشانەسه سەلیب.

ئنجیل مەتا 4:8

یەێ جارتر ئبلیس، عیسا برد ئەڕا بان کویەێ بەرزێگ ‎و گشت مەمڵەکەتیل جهان وەگەرد جەڵاڵ و شکویانەو نیشانی دا و

یەکم قورنتییل 10:6

ئێرنگه، ئی چشتیله هەڵکەفت تا بوده نمونەێگ ئەڕا ئیمه، تا ئیمه جور ئەوانه وەشون خراوی نویمن.

یاقوب 4:16

ئیوه وه لویتبەرزیدان شانازی کین. گشت ئیجور شانازییله، خراوه!