یەکم یوحەنا 1:6 - کتاب مقدس به زبان کردی جنوبی - گویش کلهوری

⁶ ئەگەر بویشیم وەگەردێ دوسی دێریم، وه حاڵێگەو که وەناو تیەریکی زنەیی کیم، درو ئویشیمن و ڕاسی وەجێ نیەتیەریم.

یەکم یوحەنا 1:6 Referans Kwoze

یەکم یوحەنا 4:20

ئەگەر کەسێگ بویشی ”خودا دوس دێرم“ و قینێ له براگەێ خوەێ باێ، ئەوه دروزنه. چوینکه کەسێگ که براگەێ خوەێ که وه چەو دیه، دوسی نیاشتود، نیەتویەنی خوداێگ که وه چەو نیه، دوس بیاشتود.

یەکم یوحەنا 2:4

ئەوه که ئویشێ «ناسمێ» وەلێ حوکمیلێ وه جا نیەتیەرێ، دروزنه و ڕاسی وەناوێ نیه.

یەکم یوحەنا 1:10

ئەگەر بویشیمن گوناێ نەکردیمنه، ئەیو وه دروزن دایمنەسه قەڵەم و کەڵامەگەێ وه ناومان نیه.

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

یوحەنا 12:35

جا عیسا وەپێان وەت: «نویر ئەڕا قێرێگ‎تر ها گەرددانەو. تا نویر ها گەرددانەو، ڕێ بکەن نەخواێ تیەریکی ئیوە بگرێده وەر. هەر کەس وەناو تیەریکی ڕێ کێ، نیەزانێ ئەڕا کوره چود.

یاقوب 2:14

برایلم، چ فایده ئەگەر کەسێگ بویشێد ئیمان دێرێ، وەلێ کردەوه نياشتود؟ مەر ئیجوره ئیمانێگ تویەنێ نجاتی بێید؟

یوحەنا 12:46

مه جور نویریگ هاتمەسه ئی جهانه تا هەر کەس وه مه ئیمان بارێ، وەناو تیەریکی نەمینێ.

یەکم یوحەنا 1:3

هەر ئەو کەلیمه که دیمنه و شنەفتیمنه وه ئیوەیش جار دیم، تا ئیوەیش وەگەرد ئیمه دوسی بیاشتوین؛ وه ڕاسی که دوسی ئیمه وەگەرد باوگ ئاسمانی و کوڕەگەێ عیسا مەسیحه.

یوحەنا 11:10

وەلێ ئەوه که وەناو شەو ڕێ بکێ، پاێ هەڵکەفێ، چوینکه نویر وه ناو ئەو ئایەمه نیه.»

یاقوب 2:18

ئێرنگه هاتێ کەسێگ باێ بویشی: «توی ئیمان ديری و منیش کردەوه دێرم!» توی ئیماند بێ کردەوەد نیشانم بیه و منیش ئیمانم وه کردەوەم نیشاند دەم.

یەکم یوحەنا 1:8

ئەگەر بویشیم گوناێگ نێریم، خوەمان گول دیمن و ڕاسی وه ناومان نیه.

یاقوب 2:16

و کەسێگ له ئیوه وەپێان بویشی: «بچن وه سڵامەت، گەرم و تێر بوین،» بی ئیه که هەوەجییل جەسەیان بیده پێان؛ چ فایده؟

ئنجیل مەتا 7:22

وه ئەو ڕوژه فره کەسیل وەپێم ئویشن: ”گەورەم، گەورەم، مەر وه ناو تو نەبوەت نەکردیم؟ مەر وه ناو تو دێویل له ئایەمیل دەر نەکردیم؟ مەر وه ناو تو موجزەیل فرەێگ نەکردیم؟“

یەکم نامەێ تیموتاوس 4:2

دروزنیل و دوڕوییل ئی تالیمیله تیەرن که وژدانێان خاس کار نیەکێ.

یوحەنا 8:55

ئیوه نیەناسینێ، وەلێ مه ناسمێ. ئەگەر بویشم نیەناسمێ، جور ئیوه دروزنم. وەلێ مه ناسمێ و کەڵامەگەێ پارێزنم.