یەکم یوحەنا 1:3 - کتاب مقدس به زبان کردی جنوبی - گویش کلهوری

³ هەر ئەو کەلیمه که دیمنه و شنەفتیمنه وه ئیوەیش جار دیم، تا ئیوەیش وەگەرد ئیمه دوسی بیاشتوین؛ وه ڕاسی که دوسی ئیمه وەگەرد باوگ ئاسمانی و کوڕەگەێ عیسا مەسیحه.

یەکم یوحەنا 1:3 Referans Kwoze

یەکم قورنتییل 1:9

وەفاداره خوداێگ که ئیوه ئەڕا دوسی وەگەرد کوڕەگەێ خوەێ، خوداوەندمان عیسا مەسیح، دەنگ کردێه.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

کاریل ڕەسولەیل 4:20

ئەڕا ئیه که ئیمه نیەتویەنیم ئەو چشته دیمنه و شنەفتیمنه، نویشیمنەێ.»

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

نامەێ فیلیپییل 2:1

جا ئەگەر وەناو مەسیح دڵگەرمین، ئەگەر مابەتەگەێ مایەێ دڵنەواییدانه، ئەگەر وەناو روح خودا هاوبەشین و ئەگەر مێرەبانی و هاودەردی دێرین،

دویم قورنتییل 13:14

فیز خوداوەند عیسا مەسیح، مابەت خودا و هاوبەشی روح‌القودوس وەگەرد گشتدانەو بود.

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

یەکم یوحەنا 1:1

له باوەت کەلیمەێ ژیان هەر ئەو کەلیمه که له سەرەتا بی، هەر ئەو کەلیمه که شنەفتیمنه و وه چەویل خوەمان دیمنه، هەر ئەو کەلیمه که نوڕێیمنه پێەو و دەسیل خوەمان دایمنەسەقەێەو.

عبرانییل 3:14

ئەڕا ئیه که ئیمه وەناو مەسیح بەشدارەو بویمنه، ئەگەر وه ڕاسی ئەو دڵنیاییه که له سەرەتایی داشتیم تا وه ئاخر قورس بپارێزنیم.

نامەێ فیلیپییل 3:10

تا مەسیح و هێز زنیەو بوینی بناسم و وەناو رەنجیل ئەیو بەشدار بوم و وەناو مردنێ هاوشیوەێ بوم،

یەکم پتروس 5:1

من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

عبرانییل 3:1

جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

نامه وه کولوسییل 1:13

ئەیو له حوکمرانی تیەریکی ڕزگارمان کردێه و بردیەسەمانه ‎ناو پادشایی کوره عەزیزەگەێ خوەێ،

کاریل ڕەسولەیل 20:27

چوینکه گشت کەڵام خودا بێ کەم کوتی ئەڕدان جار دامه.

یەکم یوحەنا 1:5

ئیەسه پێخامێگ که له ئەیو شنەفتیمنه و وەپێدان جار دیم که خودا نویره و هەراێهەر هویچ تیەریکی وەناوێ نیه.

عبرانییل 2:12

ئەو جوره که وەناو کتاو زەبور فەرمایش کەید: «ناو توی وه برایلم جار دەم؛ وەناوڕاس جەماێەت، بەیت حەمد و ستایش ئەڕاد چڕم.»

یەکم نامەێ تیموتاوس 6:2

ئەوانه که ئەرواوەگانێان وه مەسیح ئیمان دێرن، نەبایه وه بونەێ ئیه که بینەسه براێ یەکان، کەمتر وه پێان حرمەت بیلن. بەڵکەم وه چەواشه، باێه تەنانەت خاستر خزمەت بکەن، چوینکه فایدەێ خزمەتێان وه کەسیلێگ رەسێد که ئیماندار و عەزیزن. ئیه تالیم بێه و ئەڕا وەجێ هاوردنێ هانێان بیه.

نامەێ فیلیپییل 1:7

من حەق دێرم که له باوەت گشتدان ئیجور ئافتوهەستێگ بیاشتویم، ئەڕا ئیه که ئیوه هاینه ناو دڵم؛ چوینکه گشتدان وەگەردمەو وەناو فیز خودا بەشدارین، چ وەناو زندان بوم و چ خەریک دەفا و مور بین ڕاس درسی ئینجیل.

ئەفسوسیێل 3:6

ئەو رازه ئیەسه که ناجویلەکەیل وەناو مەسیح عیسا و له ڕێ ئینجیل وەگەرد جویلەکەیل هاومیراتین، ئەنامیل یەێ جەسەن و وەناو وادەێ خودا هاوبەشن.

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

یەکم قورنتییل 15:1

ئێرنگه ئێ برایلم، توام ئەو ئینجیله که وەپێدان بانگەوازی کردم و قەبوڵێ کردین، بارمه هویردان که وەناوێ هاینه سەر پا و

رومیەگان 15:27

چوینکه ئەوانه خوێان خوەشنود بین ئی کاره بکەن و وه ڕاسییش قەرددار جویلەکەیلن، چوینکه ئەگەر ناجویلەکەیل وەناو بەەرکەتیل روحانی جویلەکەیل بەشدارەو بوینه، ها ملێانەو که جویلەکەیل وەناو بەەرکەتیل پویلی خزمەت بکەن.

کاریل ڕەسولەیل 13:41

«بنوڕن، ئێ تویلەکی کەریل، ئەڵاجویدان باێ و له بین بچن، چوینکه وه ڕوژگاریل ئیوه کارێ کەم، تەنانەت ئەگەر کەسێ ئەڕادان بویشێدێەو هەراێهەر باوەڕ نیەکین.»

کاریل ڕەسولەیل 13:32

ئێرنگه ئیمه وەپێدان مزگانی دیمن که خودا ئەو چشته که وه باپیریلمان واده داوید،

کاریل ڕەسولەیل 2:42

ئەوانه وەخت خوێان ناوین ئەڕا تالیم گردن له ڕەسولەیل و رەفاقەت و لەت کردن نان و دوعا.

یوحەنا 17:25

«ئێ باوگ داداپەروەر، هەر چه‎ن جهان تو نیەناسێ، وەلێ مه ناسمەد، ئیانەیش زانن تو مه کل کردیده.

یوحەنا 17:11

مه دی وەناو جهان نیەمینم، وەلێ ئەوانه هانه ناو جهان، منیش تیەمه‎ ئەڕا لاێ توی؛ ئێ باوگ موقەدەس، ئەوانه وه ناو خوەد که وه مه بەخشایده، بپارێزن تا یەکی بون هەر ئەوجورە که ئیمه یەکیگیم.

یوحەنا 19:35

ئەوه که ئیه دی، شاێەتی دەێ تا ئیوەیش ئیمان بارین. شاێەتیەگەیشێ ڕاسه و زانێ که ڕاسەگەی ئویشێ.

دویم پتروس 1:16

چوینکه ئەو وەخته که هێز و هاتن خوداوەندمان عیسا مەسیح وه پێدان جار دیایم، وه شون مەسلەتیلێگ که وە زیرکیەو درس کریانه نەچویمن، بەڵکەم گەورایی ئەیو وه چەو دویمن.