یەکم قورنتییل 3:10 - کتاب مقدس به زبان کردی جنوبی - گویش کلهوری

¹⁰ وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 3:10 Referans Kwoze

یەکم قورنتییل 3:11

ئەڕا ئیه که هویچکەس نیەتویەنی بێجگه ئەو بنەواێگ که دانریاس، بنەواێگتر دا بنێ و ئەو بنەوا هەر خود عیسا مەسیحه.

ئەفسوسیێل 2:20

ئیوه له سەر بنەواێگ نریاینەسه پاوه که ڕەسولەیل و نەبوەتکەریل داێنانه، که مەسیح عیسا خوەێ گرنگترین کوچگ ئەو بەناسه.

رومیەگان 15:20

ئاوەختم هەمویشه ئیه بی که وەشونێگ ئینجیل بانگەوازی بکەم که ناو مەسیح تا ئەو وەخته نەشنەفتنه، تا نەخواێ که وه سەر بنەواێ یەکیگتر، بنیاد بنەم،

ئنجیل مەتا 24:45

«جا ئەو خوڵام ئەمین و زانا کیه که ئەرواوەگەێ ئەوه ناسه بان سەر ئاڵ ماڵەگەێ تا له وەخت خوەێ نانەگەیان بێی؟

وەحی وه یوحەنا 21:19

بنەواێ دیوار شار وەگەرد هەر جور جەوایرێگ ڕەنگینەو بوی. بنەواێ یەکم له یەشم بی، دویمی له لاجوەرد، سێێەمی له عەقیق چەرمگ، چوارمین له زمڕود،

یەکم قورنتییل 9:2

ئەگەر ئەڕا ئەو باقی مەردم ڕەسول نیم، بێ گومان ئەڕا ئیوه هەم؛ چوینکه ئیوه ئەو مورینه که نیشان دەێ من وەناو خوداوەند ڕەسولم.

ئنجیل مەتا 7:24

«جا هەر کەس ئی قسیەیلمه بشنەفێد و ئەوانه وه جا بارێ، مینێده پیاێ زاناێگ که ماڵەگەێ وەبان کوچگ درس کرد.

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

دویم تیموتاوس 2:15

سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

نامه وه کولوسییل 4:17

وه ئارخیپوس بویشن: «هوشد بود تا خزمەتی که وەناو خوداوەند پەێا کردیده وه کەماڵ برەسنێ.»

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

کاریل ڕەسولەیل 18:27

وەختێ ئاپولوس تواسیا بچوده ئەڕا ئەخائیه، برایل هانێ دان و ئەڕا شاگردەگان نویسان تا وه گەرمی بچنه پیریەو. وەختێ ئاپولوس ڕەسیه ئەوره، وه کەسیلێگ که له ڕێ فیز ئیمان هاوردوین، مەیەت فرەێگ دا.

لوقا 11:35

ئمجا هوشد بو نەخواێ نویریگ که ها ناو تو، تیەریکی بود.

یاقوب 3:1

برایلم، نەخواێ که قێر فرەێگ له لێدان بتواین بوینه ماموستا، چوینکه زانين وه مل ئیمه ماموستایل، داوەری سەختترەو بود.

یەکم نامەێ تیموتاوس 4:16

خاس خاس، هوشده رێ رەوشت زنەیی و تالیم خوەد بو. وەناو ئەوانه بەردەوام بو، که ئەگەر ئیجوره بکێد هەم خوەد و هەم ئەوانه که وه‎ لێد شنەفن نجات دەێ.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

رومیەگان 15:15

وەلێ له باوەت چشتیلێگ، وه ئازای فرەێگەو ئەڕادان نویسامه، تا ئەوانه بخەمه هویردان، وه بونەێ ئەو فیزه که خودا بەخشا پێم

لوقا 21:8

عیسا جواو دا: «هوشدان بود گومڕا نوین؛ چوینکه فره له کەسیل وه ناو منەو تیەن و ئویشن: ”مه هەر ئەوه مه“ و ”وەختێ ڕەسیه“. مەکەفنه شونێان.

وەحی وه یوحەنا 21:14

جا دیوار شارەگه دوانزه بنەوا داشت که وه ملێانەو ناو دوانزه ڕەسول وەرکەگه نویسریاوی.

دویم قورنتییل 10:15

ئیمه حەد خوەمان پارێزنیم و وه کاریلێ که کەسیلتر کردنه شانازی نیەکیم. وەلێ ئمیدمان ئیەسه که هەر چ ئیماندان فرەتر بود، پاناێ خزمەتمان وەناو ئیوەیش فرەترەو بود،

یەکم تسالونیکییل 3:2

جا تیموتاوس که براێ ئیمه و هاوکار خودا له کار ئینجیل مەسیحه، کل کردیمنه ئەڕا لادان تا ئیوه له ئیماندان بەردەوام بکێد و هاندان بێید،

دویم پتروس 3:15

سەور خوداوەند ئیمه نجات وه حساو بارن، هەر ئەوجورە که براێ عەزیز ئیمه پولوسیش وه ڕوی زانیاریگ که وه پێ بەخشریاس، ئەڕادان نویساد.