یەکم قورنتییل 2:12 - کتاب مقدس به زبان کردی جنوبی - گویش کلهوری

¹² ئێرنگه ئیمه روح جهان نەگردیمنەسەوەر، بەڵکەم روحێگ که له لاێ خوداس، گردیمنەسەوەر تا ئەو چشتیلی که خودا وه دەسدڵوازی داسه پێمان، بزانیم.

یەکم قورنتییل 2:12 Referans Kwoze

یەکم یوحەنا 2:27

وەلێ له باوەت ئیوه، ئەو مەسح و دەسنیشانه که له ئەیو گردین، وەناودان نیشتەجێه. هەوەجیدان وه کەس نیه تا تالیمدان بێی، بەڵکەم مەسحەگەێ، له باوەت گشت چشتێگ تالیمدان دەێ. ئەو مەسحه، ڕاسەکانیه و دروەکانی نیه. جا هەر ئەوجورە که تالیمدان داس، وەناوێ نیشتەجێ بوین.

یەکم یوحەنا 2:20

وەلێ ئیوه وه وەسلەێ ئەو قودوسه مەسح و دەسنیشان کریاینه و گشتدان زانین ڕاسی چەس.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

یاقوب 4:5

ئی گومان کین نویسریای موقەدەس بی ئامانج ئویشێ: «خودا ئەڕا ئەو روحه که وەناومان نیشتەجێ کردێه، فره غیرەت دێرێ؟»

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

وەحی وه یوحەنا 22:6

فریشته وەته پێم: «ئی قسیەيله شایسەێ دڵنیاییه و ڕاسه. خوداوەند، خوداێ روحیل پەێخەمەریل، فریشتەێ خوەێ هەناردێه تا ئەو چشته که باێه زوی هەڵبکەفێ، وه خزمەتکاریل خوەێ نیشان بێید.»

یەکم قورنتییل 3:22

چ پولوس چ ئاپولوس چ کیفا چ جهان چ زنەیی چ مەرگ چ ئێرنگه و چ زەمان وەرەڕوی، گشت ئیانه هن ئیوەن و

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

یەکم قورنتییل 2:6

وه ئی حاڵەو، ئیمه ەوناو بازڵەێل، زانیاری جار دیمن، هەرچەن ئی زانیاریه هن ئی دەورانه یا فەرمانرەوایەێل ئی دەورانه نیه که ماکوم وه نابودین.

یەکم قورنتییل 1:27

وەلێ خودا ئەو چشته که وەناو ئی جهانه گیلگەوجیه، هەڵوژارد تا زانیاریل شەرمزارەو بکێ؛ خودا ئەو چشته که وەناو ئی جهانه بی هازه، هەڵوژارد تا هێزداریل شەرمزارەو بکێ؛

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.