یەکم قورنتییل 1:2 - کتاب مقدس به زبان کردی جنوبی - گویش کلهوری

² وه کلیساێ خودا له شار قورنتوس، که وەناو مەسیح عیسا تەقدیس کریانه و دەنگ کریانه تا بونه قەوم موقەدەس خودا، وەگەرد گشت ئەوانه که وه هەر شون ترێگە‎و ناو خوداوەندمان عیسا مەسیح خوەنن، که خوداوەند ئیمه و خوداوەند ئەوانەسه:

یەکم قورنتییل 1:2 Referans Kwoze

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

عبرانییل 13:12

هەر ویجوره، عیسایش له دەیشت دەروازەێ شار رەنج کیشا تا له ڕێ خوین خوەێ، قەومەگه تەقدیسەو بکێد.

یەکم تسالونیکییل 4:7

چوینکه خودا ئیمه نه وه ناپاکی بەڵکەم وه قودوسیەت دەنگ کردێه.

عبرانییل 10:10

وەگەرد هەر ئی خاسته، ئیمه له ڕێ قوروانی جەسەێ عیسا مەسیح یەێ جار ئەڕا هەمویشه تەقدیسەو بیمنه.

دویم قورنتییل 4:5

چوینکه ئیمه بانگەوازی خوەمان نیەکیم، بەڵکەم بانگەوازی عیسا مەسیح کەیمن که خوداوەنده، له خوەمان تەنیا وەبونەێ عیسا، ئەویش تەنیا وه پێ خزمەتکاردان قسیه کەیمن.

کاریل ڕەسولەیل 9:14

هەر ئیجوره سەران کاهنيل دەسڵات دانەسه پێ تا هەر کەس که ناو تو بێ، دەسگیر بکێ.»

وەحی وه یوحەنا 19:16

له بان بەتیه و له بان ڕانێ ناوێگ نویسریاس: ’شاێ شاێیل و خوداوەند خوداوەندیل.‘

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

عبرانییل 2:11

چوینکه ئەیو که موقەدەسەو کەید و ئەوانه که موقەدەسەو بون، گشتێان له یەێ باوگن. وه ئی باوەته، عیسا شەرمێ نیەتیێد ئەوانه وه برا بخوەنێ.

دویم تیموتاوس 1:9

هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

یەکم نامەێ تیموتاوس 3:15

تا ئەگەر ماتەڵی پیش هات، بزانێ که له ناو ماڵ خودا که کلیساێ خوداێ زنیه و کوڵەکه‎ و بنیان ڕاسیه، رێ رەوشتمان باێه چوی بود.

دویم تسالونیکییل 1:1

له پولوس و سیلاس و تیموتاوس، وه کلیساێ شار تسالونیکی که هانه ناو خودا، باوگ ئیمه و خوداوەند عیسا مەسیح:

یەکم تسالونیکییل 1:1

له پولوس و سیلاس و تیموتاوس، وه کلیساێ شار تسالونیکی که هانه ناو خوداێ باوگ و خوداوەند عیسا مەسیح: فیز و ئاشتی و سڵامەتی وه ملدانەو بود.

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

یەکم قورنتییل 8:6

وەلێ ئیمه تەنیا یە خودا دێریم، یانێ باوگ ئاسمانی، که گشت چشت له ئەیوه و ئیمه هن ئەویمنه؛ تەنیا یە خوداوەند هەس، یانێ عیسا مەسیح، که گشت چشتێگ له ڕێ ئەیو وه دی هات و ئیمه له ڕێ ئەیو هیمن.

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

رومیەگان 3:22

ئی سالح بوینه که له خوداس له ڕێ ئیمان وه عیسا مەسیحه و نسیو گشت ئەوانه بود که ئیمان تیەرن. ئەڕا ئیه که هویچ جیاوازیگ نیه.

کاریل ڕەسولەیل 22:16

ئێرنگه ماتەڵ چەید؟ هەڵس و خوسڵ تەعمید بگر و گونايلد بشور و ناو ئەیو بار!“

کاریل ڕەسولەیل 18:1

جا وەشون ئیه، پولوس شار ئاتن هیشتەجێ و چیه ئەڕا شار قورنتوس.

کاریل ڕەسولەیل 15:9

ئەیو وەناو ئیمه و ئەوانه هویچ جیاوازێگ نەنا، بەڵکەم وه ئیمان، دڵیلێان پاکەو کرد.

کاریل ڕەسولەیل 10:36

ئیوه ئەو پێخامه زانین که خودا ئەڕا قەوم ئێسرائیل کل کرد، له ڕێ عیسا مەسیح که خوداوەند گشته، مزگانی ئاشتی و سڵامەتی جار دا.

کاریل ڕەسولەیل 9:21

گشت کەسیلێگ که پێخامێ شنەفتیان سەریان سڕ مەنیاد و وەتیان: «مەر ئیه هەر ئەوه نیه که وه ئورشەلیم کەسیلێ که ئی ناوه وه زوان هاوردیان، نابود کردیا؟ ئێ ئەڕا ئیه ناتیەسه ئێرا تا دەسگیریان بکێ و بوێدیانه لاێ سەران کاهنیل؟»

دویم تیموتاوس 2:22

له هەواوهەوەس جاێەلی دەر بچو و وەگەرد ئەوانه که وه دڵ پاکەو خوداوەند خوەنن، وەشون سالح بوین و ئیمان و مابەت و ئاشتی و سڵامەتی بو.

نامه وە غەلاتییل 1:2

هەر ئیجوره له لاێ گشت براگانێ که هانەگەرد منەو، وه کلیسایل مەنتەقەێ غەلاتیه:

کاریل ڕەسولەیل 9:13

وەلێ حەنانیا جواو دا: «خوداوەندا، وه فره کەس لەباوەت ئی پیا شنەفتمه که چەنێ وه ئیمانداریل تو له ئورشەلیم خراوی کردێه.

رومیەگان 8:28

جا ئیمه زانیمن ئەڕا کەسیلێگ که خودا دوس دێرن و وه پێ ئامانج ئەیو دەنگ کریانه، گشت چشتێگ وه یەکەو ئەڕا خاسێ ئەوانه کار کەێ.

یەکم قورنتییل 10:32

هویچکەس مەرەنجنن، چ جویلەکە چ یونانی چ کلیساێ خودا،

یەکم قورنتییل 12:27

ئێرنگه ئیوه جەسەێ مەسیحین و گله وه گلەدان ئەنامیل ئەیوین.

یەکم نامەێ تیموتاوس 2:8

جا ئاوەختیم ئیەسه که پیاێل وه هەر شونێگ، بی ئیه که توڕه بون و بی قەپقاڵ، دەسیل موقەدەس ئەڕا دوعا کردن هەڵوڕنن.

دویم تیموتاوس 2:19

وه ئی حاڵەو، بنەواێ قورسیگ که خودا داناس، ها سەر جێ خوەێ و وەگەرد ئی قسیه مور کریاس که: «خوداوەند کەسیل خوەێ ناسێد،» و «هەر کەسێگ ناو خوداوەند وه زوان بارێ، باێه له نادرسێ دویرەو بود.»