طِطُس 3:2 - کِتاب مُقدّس سرائیکی ترجمہ

² کہیں دی بدگوئی نہ کرݨ، تکراری نہ ہووݨ بلکہ نرم دل ہووݨ تے سبھ لوکاں نال بہُوں حلیمی نال پیش آوݨ۔

طِطُس 3:2 Referans Kwoze

اِفِسیوں 4:31

ہر قِسم دی نفرت، قہر، تکرار، بدگوئی تے بُرائی کُوں آپنڑے ءچوں کڈھ ڈیؤ۔

اِفِسیوں 4:2

یعنی کمال فروتنی، نرم دِلی تے صبر نال، محبت ءچ ہِک ڈُوجھے دی برداشت کرو۔

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

1 پطرس 3:10

جِینویں جو کلام ءچ لِکھیا ہے ”جیہڑا خوشی نال زندگی گُزارݨ تے چنگے ڈینہہ ڈیکھنڑ چاہندے او آپنڑی زبان کُوں بُرے گالھیں تُوں تے ہونٹاں کُوں فریب دے گالھیں تُوں باز رکھے۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

یعقُوب 4:11

بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

متّی 11:29

میڈی پنجالی چا گِھنو تے میڈے کنُوں سِکھو۔ کیوں جو مَیں نرم تے دل دا فروتن ہاں۔ وَل تُہاکُوں آرام مِل سی۔

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

1تھِسّلُنیکیوں 2:7

اِیندے بجائے، جِینویں ہِک ماء آپنڑے بالاں دی نرمی نال ڈیکھ بھال کریندی ہے اُونویں ای اساں وی تُہاڈے وچال نرمی نال ریہے۔

فِلِپّیوں 4:5

تُہاڈی نرم دِلی سارے لوکاں اُتے ظاہر تھیوے۔ یاد رکھو جو خُداوند آوݨ آلا ہے۔

1کُرِنتھِیوں 9:19

بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

اعمال 23:5

پولُس آکھیا، ”بِھراؤ! میکُوں معلوم نہ ہا جو ایہ کاہِن ِ اعظم ہے، کیوں جو لِکھیا ہے جو تُوں آپنڑی قوم دے سردار کُوں بُرا نہ آکھ۔“

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

یہُوداہ 1:8

اِیندے باوجود ایہ لوک آپنڑی خوش فہمی ءچ رہ تے آپنڑے جِسم کُوں ناپاک کریندے ہِن، ہر اِختیار کُوں حقیر جانڑدے ہِن تے جلالی ہستیاں دی توہین کریندے ہِن۔

2 پطرس 2:10

خاص کر اُنہاں کُوں جیہڑے آپنڑے جِسم دیاں گندیاں خواہشاں دی پیروی کریندے ہِن تے اِختیار کُوں حقیر سمجھدے ہِن۔ ایہ لوک گُستاخ تے مغرُور ہِن تے جلالی ہستیاں دی توہین کرݨ تُوں نئیں ڈردے۔

1 پطرس 4:4

تے ہُنڑ او لوک حیران تھیندن جو تُساں ایجھیاں سبھ بدکاریاں ءچ اُنہاں دا ساتھ نئیں ڈیندے، تے او تُہاکُوں بُرا بھلا آدھے ہِن۔

1کُرِنتھِیوں 6:10

نہ چور، نہ لالچی، نہ شرابی، نہ مندھے کڈھنڑ آلے، نہ ظالم خُدا دی بادشاہی دے وارث ہوسن۔