طِطُس 3:11 - کِتاب مُقدّس سرائیکی ترجمہ

¹¹ یقین رکھ جو ایجھا بندہ گُمراہ تھی گئے تے گُناہ کر تے آپنڑے آپ کُوں قصُور وار بنڑیندے۔

طِطُس 3:11 Referans Kwoze

عبرانیوں 10:26

کیوں جو جے اساں حق دی پچھاݨ کرݨ تُوں بعد جاݨ بُجھ تے گُناہ کریندے راہوں تاں گُناہاں تُوں پاک کرݨ دی کوئی بئی قُربانی باقی نئیں۔

اعمال 15:24

کیوں جو اساں سُنڑیا ہے جو ساڈے ءچوں کُجھ لوکاں جِنہاں کُوں اساں حُکم نہ ڈِتا ہا تُہاکُوں آپنڑے گالھیں نال پریشان کر ڈِتے۔

یُوحنّا 3:18

جیہڑا اُوندے اُتے اِیمان گِھن آندے اُوندے اُتے سزا دا حُکم نئیں تھیندا، پر جیہڑا اُوندے اُتے اِیمان نئیں گِھن آندا اُوندے اُتے سزا دا حُکم تھی گئے، اِیں واسطے جو او خُدا دے اِکلوتے پوتر دے ناں اُتے اِیمان نئیں گِھن آیا۔

لُوقا 19:22

اُوں اُونکُوں آکھیا، ’شریر نوکر! مَیں تیکُوں تیڈے ای گالھیں نال مُلزم کھڑیندا ہاں۔ تُوں میکُوں جانڑدا ہَویں جو سخت بندہ ہاں تے جیہڑی چیز کُوں مَیں نئیں رکھیا، اُونکُوں چا گِھندا ہاں تے جیہڑا نئیں رہایا اُونکُوں کپ گِھندا ہاں۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

رومیوں 3:19

بس اساں جانڑدے ہیں جو شریعت جیہڑا کُجھ آدھی ہے، اُنہاں کُوں آدھی ہے جیہڑے شریعت دے پابند ہِن، تاں جو ہر مُنہ بند تھی ونجے تے ساری دُنیا خُدا دے سامنڑے سزا دی حقدار ہووے۔

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

لُوقا 7:30

پر فریسیاں تے شریعت دے عالماں اُوں کنُوں بپتسمہ نہ گِھن تے آپنڑے کیتے خُدا دی مرضی کُوں رَد کر ڈِتا۔

اعمال 23:25

تے اُوں ہِک خط اِیں موضوع دا لِکھیا۔

طِطُس 1:14

تے او یہُودیاں دیاں فرضی کہانڑیاں تے ایجھے لوکاں دے حُکماں اُتے دھیان نہ ڈیوݨ جیہڑے سچائی کنُوں مُنہ پھیر گِھندے ہِن۔