طِطُس 2:2 - کِتاب مُقدّس سرائیکی ترجمہ

² بزُرگ مرداں کُوں سِکھا جو او پرہیزگار، شریف تے مُتّقی ہووݨ تے اِیمان رکھنڑ ءچ تے محبت تے صبر کرݨ ءچ مضبوط ہووݨ۔

طِطُس 2:2 Referans Kwoze

گلتِیوں 5:23

نرم دِلی تے پرہیزگاری ہے۔ ایجھے کماں دی کوئی شریعت مخالفت نئیں کریندی۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

طِطُس 1:13

ایہ گواہی سچی ہے۔ اِیں واسطے اُنہاں کُوں سختی نال ملامت کیتا کر تاں جو اُنہاں دا اِیمان صحت مند راہوے،

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

2 پطرس 1:6

تے علم نال پرہیزگاری تے پرہیزگاری نال صبر تے صبر نال دینداری،

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

طِطُس 1:8

بلکہ مہمان نواز، بھلائی نال محبت کرݨ آلا، مُتّقی، اِنصاف پسند، پاک تے آپنڑے نفس اُتے قابو رکھنڑ آلا ہووے۔

1 تِیمُتھِیُس 3:4

او آپنڑے گھر دا چنگی طرحاں بندوبست کرݨ آلا ہووے تے آپنڑے بالاں کُوں بہُوں سنجیدگی نال قابو ءچ رکھنڑ آلا ہووے۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1تھِسّلُنیکیوں 5:6

اِیں واسطے اساں ڈُوجھیاں وانگُوں سُتے نہ راہوں بلکہ جاگدے تے ہوشیار راہوں۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

2کُرِنتھِیوں 5:13

جے اساں دیوانے ہیں تاں خُدا کیتے ہیں تے جے ہوش ءچ ہیں تاں تُہاڈے کیتے۔

1کُرِنتھِیوں 9:25

مُقابلہ ءچ حصہ گِھننڑ آلے ہر طرحاں دا پرہیز کریندے ہِن۔ او لوک ہِک مُرجھاوݨ آلا ہار حاصل کرݨ کیتے اِینویں کریندے ہِن، پر اساں اُوں ہار کیتے اِینویں کریندے ہیں جیہڑا کڈھائیں نہ مُرجھیسی۔

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

لُوقا 8:35

لوک اِیں ماجرے کُوں ڈیکھنڑ کیتے نِکلے تے یسُوع دے کولھ آ تے اُوں بندے کُوں جیندے ءچوں بدرُوحاں نِکلیاں ہَن کپڑے پاتے تے ہوش ءچ یسُوع دے قدماں ءچ بیٹھے ڈِٹھا تاں ڈر گئے۔

مرقس 5:15

او یسُوع دے کولھ آئے، تے اُوں بندے کُوں جیندے ءچ بدرُوحاں دا لشکر ہا، کپڑے پاتے، تے ہوش ءچ بیٹھے ڈِٹھا تاں ڈر گئے۔

1 تِیمُتھِیُس 3:8

اِینویں ای جماعت دا اِنتظام کرݨ آلیاں کُوں وی چاہیدے جو او سنجیدہ ہووݨ، ڈُو زباناں آلے، شرابی تے پیسے دے لالچی نہ ہووݨ۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

1 تِیمُتھِیُس 1:10

تے اُنہاں کیتے ہے جیہڑے زِنا کار ہِن، چھوہر باز ہِن، اغوا کرݨ آلے ہِن، کُوڑ مریندے ہِن، کُوڑیاں قَسماں چیندے ہِن، تے ایجھے بہُوں سارے کم کریندے ہِن جیہڑے صحیح تعلیم دے خلاف ہِن۔

1 تِیمُتھِیُس 1:14

تے ساڈے خُداوند دا فضل میڈے اُتے بہُوں زیادہ تھیّا، اُوں اِیمان تے محبت نال جیہڑا مسیح یسُوع ءچ ہے۔

1 تِیمُتھِیُس 5:1

کہیں وڈی عُمر آلے کُوں نہ جِھڑک بلکہ اُونکُوں آپنڑا پِیُو سمجھ تے نصیحت کر، تے نینگراں کُوں بِھرا سمجھ تے،

فِلیمون 1:9

وَل وی میکُوں ایہ زیادہ پسند ہے جو مَیں تیکُوں محبت دی وجہ تُوں درخاست کراں۔ مَیں پولُس، جیہڑا بُڈھا تے اِیں ویلے مسیح یسُوع دی خاطر قیدی ہاں،