طِطُس 1:5 - کِتاب مُقدّس سرائیکی ترجمہ

⁵ مَیں تیکُوں کریتے ءچ اِیں واسطے چھوڑ ڈِتا ہا تاں جو جیہڑا کم اُتھاں ادُھورا رہ گِیا ہا، تُوں اُونکُوں پُورا کر سگیں، تے ہر شہر ءچ بزُرگاں کُوں مقرر کریں جِینویں مَیں تیکُوں ہدایت ڈِتی ہئی۔

طِطُس 1:5 Referans Kwoze

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

1 تِیمُتھِیُس 1:3

مَیں مَکِدُنیہ دو روانہ تھیندے ویلے تیکُوں نصیحت کیتی ہئی جو تُوں اِفِسُس ءچ رہ تے، غلط تعلیم ڈیوݨ آلیاں کُوں تاکید کر جو او اِینویں کرݨ تُوں باز آ ونجنڑ،

1کُرِنتھِیوں 14:40

پر ایہ سبھ کُجھ مناسب طریقے تے تربیت نال کیتا ونجے۔

2 تِیمُتھِیُس 2:2

تے جیہڑے گالھیں تُوں میڈے کنُوں بہُوں سارے گواہاں دی موجودگی ءچ سُنڑیاں ہِن، اُنہاں کُوں ایجھے دیانتدار لوکاں دے سپُرد کر جیہڑے ڈُوجھیاں کُوں وی سِکھاوݨ دے قابل ہووݨ۔

1کُرِنتھِیوں 11:34

جے کوئی بُکھا ہووے تاں آپنڑے گھرُوں کھا گِھنے تاں جو تُہاڈا کٹھا تھیوݨ سزا دا سبب نہ بنڑے۔ مَیں بئے گالھیں اُتھائیں آ تے ٹھیک کریساں۔

اعمال 27:21

بہُوں عرصے تُوں اُنہاں کُجھ نہ کھادا ہا تاں آخر کار پولُس اُنہاں دے اَدھ ءچ کھڑا تھی تے آکھیا، ”بِھراؤ! جے تُساں میڈی نصیحت منیندے تے کریتے کنُوں روانہ نہ تھیندے تاں ایہ نُقصان تے ڈُکھ نہ چیندے۔

اعمال 27:12

کیوں جو او بندرگاہ سیالا گُزارݨ کیتے چنگی نہ ہئی اِیں واسطے ڈھیر لوکاں دا فیصلہ ایہ ہا جو اساں اگُوں ودُھوں تے جے تھی سگے تاں فِینِکس ءچ پُج تے سیالے دا موسم لنگھاؤں۔ ایہ کریتے دی ہِک بندرگاہ ہئی جِیندا رُخ شمال مشرق تے جنُوب مشرق دو ہا۔

اعمال 27:7

اساں بہُوں ڈینہاں تئیں ہولے ہولے اگُوں ودھدے ریہے تے مُشکل نال کَنِدُس دے سامنڑے پُجے پر تیز ہوا ساکُوں سِدھے اگُوں نہ ونجنڑ ڈِتا۔ وَل اساں ہوا تُوں بچنڑ کیتے سلمونے دے سامنڑے کنُوں تھی تے کریتے دے جنُوب کنُوں ٹُرے،

اعمال 11:30

بس اُنہاں اِینویں ای کیتا تے ساؤل تے برنباس دے ہتھیں آپنڑی مالی مدد بزُرگاں کُوں بھجوا ڈِتی۔

کلُسِّیوں 2:5

بے شک مَیں بظاہر تُہاڈے نال اُتھاں موجود نئیں، وَل وی مَیں رُوحانی طور تے تُہاڈے نال ہاں تے ایہ ڈیکھ تے خوش ہاں جو تُساں ترتیب نال زندگی گُزریندے تے مسیح اُتے آپنڑے اِیمان ءچ قائم ہیوے۔

اعمال 2:11

بھانویں پیدائشی یہُودی بھانویں اُنہاں دے مُرید، تے کریتی تے عرب ہِن۔ پر اساں آپنڑی آپنڑی بولی ءچ اُنہاں کنُوں خُدا دے عظیم کماں دا بیان سُنڑدے ہیں۔“

اعمال 27:13

جِیں ویلے جنُوب کنُوں ہلکی ہلکی ہوا گُھلنڑ شروع تھی گئی تاں او سمجھے جو ”ہُنڑ ساڈا مقصد پُورا تھی سگدے۔“ اِیں واسطے اُنہاں لنگر چا تے جہاز ٹوریا تے کریتے دے ساحل دے نال نال اگُوں ودھے۔

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

طِطُس 1:12

اُنہاں دے آپنڑے نبیاں ءچوں ہِک تاں اِتُھوں تئیں آکھ ڈِتے جو ”کریتی لوک ہمیشاں کُوڑے، ظالم جنگلی جانور، سُست پیٹُو ہوندے ہِن۔“