طِطُس 1:2 - کِتاب مُقدّس سرائیکی ترجمہ

² تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

طِطُس 1:2 Referans Kwoze

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

یہُوداہ 1:21

آپنڑے آپ کُوں خُدا دی محبت ءچ قائم رکھو تے خُداوند یسُوع مسیح دی رحمت دے منتظر راہو جِیندا نتیجہ ابدی زندگی ہے۔

2 تِیمُتھِیُس 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں تاں جو اُوں وعدہ کیتی ہوئی زندگی دی تبلیغ کراں جیہڑی مسیح یسُوع ءچ مِلدی ہے۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

2 تِیمُتھِیُس 2:15

کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔

2 تِیمُتھِیُس 2:13

جے اساں بےوفا تھی ویسوں، وَل وی او وفادار راہسی کیوں جو او خود آپنڑا اِنکار نئیں کر سگدا۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

متّی 25:34

وَل بادشاہ آپنڑے سجے پاسے آلیاں کُوں اکھیسی، ’آؤ میڈے باپ دے مُبارک لوکو، اُوں بادشاہی کُوں جیہڑی دُنیا بنڑݨ تُوں پہلے تُہاڈے کیتے تیار کیتی گئی ہے، میراث ءچ گِھنو۔

مُکاشفہ 17:8

جیہڑا حیوان تَیں ڈِٹھے، او پہلے ہا، پر ہُنڑ نئیں۔ او بے تَل کھڈے کنُوں نِکلسی تے ہلاک تھی ویسی۔ تے زمین دے او راہنڑ آلے جِنہاں دے ناں دُنیا بنڑݨ کنُوں پہلے کتاب ِ حیات ءچ لِکھے نئیں گئے، اُوں حیوان کُوں ڈیکھ تے حیران رہ ویسن، کیوں جو او پہلے ہا، پر ہُنڑ نئیں تے وَل آوݨ آلا ہے۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

1 تِیمُتھِیُس 6:19

اِینویں او آپنڑے کیتے ہِک چنگا خزانہ جمع کریسن یعنی آوݨ آلے زمانے کیتے ہِک مضبوط بنیاد، تے اِینویں حقیقی زندگی اُتے قبضہ کرݨ۔

رومیوں 5:21

تاں جو جِینویں گُناہ موت دے ذریعے حکُومت کیتی، اُونویں ای خُدا دا فضل وی راستبازی دے ذریعے حکُومت کریسی تے ساڈے خُداوند یسُوع مسیح دے وسیلے نال ہمیشاں دی زندگی ڈیسی۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

یُوحنّا 6:54

جیہڑا میڈا گوشت کھاندے تے میڈا خون پِیندے، اُوندے ءچ ہمیشاں دی زندگی ہے تے مَیں اُونکُوں قیامت آلے ڈینہہ ولا زندہ کریساں۔

یُوحنّا 5:39

تُساں خُدا دے کلام ءچ گولھیندے ہیوے کیوں جو سمجھدے ہیوے جو اُوندے ءچ تُہاکُوں ہمیشاں دی زندگی مِلدی ہے۔ ایہ او ہے جیہڑا میڈی گواہی ڈیندے،

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

1تھِسّلُنیکیوں 2:15

یہُودیاں خُداوند یسُوع کُوں تے نبیاں کُوں وی مار سٹیا تے ساکُوں وی بہُوں ستایا۔ او لوک خُدا کُوں پسند نئیں، تے سارے لوکاں دے دُشمنڑ ہِن،

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

رومیوں 5:4

تے صبر نال مُستقل مزاجی تے مُستقل مزاجی نال اُمید پیدا تھیندی ہے۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 1:2

اِیں خوشخبری دا وعدہ خُدا بہُوں پہلے کنُوں آپنڑے نبیاں دی معرفت پاک کلام ءچ

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

مرقس 10:30

اُونکُوں اِیں زمانہ ءچ گھر، بِھرا، بھینڑاں، ماء، بال تے رَڑھ سو گُنا ضرور مِلسی، پر نال نال ظلم وی تے آوݨ آلی دُنیا ءچ اُونکُوں ہمیشاں دی زندگی مِلسی۔

مرقس 10:17

جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“