طِطُس 1:15 - کِتاب مُقدّس سرائیکی ترجمہ

¹⁵ جیہڑے خود پاک ہِن اُنہاں کیتے سبھ چیزاں پاک ہِن، پر ناپاک تے اِیمان نہ رکھنڑ آلیاں کیتے کوئی چیز پاک نئیں، کیوں جو اُنہاں دی عقل تے دل ڈوہائیں ناپاک ہِن۔

طِطُس 1:15 Referans Kwoze

رومیوں 14:14

میکُوں پتہ ہے بلکہ خُداوند یسُوع ءچ پُورا یقین ہے جو کوئی چیز آپنڑے آپ ءچ حرام نئیں ہوندی، پر جیہڑا اُونکُوں حرام سمجھدے اُوندے کیتے حرام ہے۔

رومیوں 14:20

صرف کھاوݨ دی خاطر خُدا دے کم کُوں نہ وِگاڑ۔ ہر چیز پاک تاں ہے پر جے تیڈے کھاوݨ نال ڈُوجھے کُوں تُھڈا لگدے تاں وَل او غلط ہے۔

1کُرِنتھِیوں 10:23

”سبھ چیزاں جائز ہِن“ پر سبھ چیزاں مفید نئیں۔ سبھ چیزاں جائز تاں ہِن پر سبھ چیزاں ترقی دا سبب نئیں۔

متّی 15:18

پر جیہڑے گالھیں مُنہ ءچوں نِکلدیاں ہِن او دل ءچوں نِکلدیاں ہِن تے اُوہو بندے کُوں ناپاک کریندیاں ہِن۔

رومیوں 14:23

پر جیہڑا بندہ کہیں چیز دے بارے ءچ شک کریندے تے وَل وی اُونکُوں کھاندے او آپنڑے آپ کُوں قصُوروار کھڑیندے کیوں جو او اِیمان نال نئیں کھاندا۔ تے جیہڑا کُجھ اِیمان نال نئیں او گُناہ ہے۔

1کُرِنتھِیوں 10:31

بس تُساں بھانویں کھاؤ یا پِیو یا جیہڑا کُجھ کرو، سبھ خُدا دے جلال کیتے کرو۔

اعمال 10:15

او اواز اُونکُوں ولا سُنڑائی ڈِتی جو ”جیہڑی شے کُوں خُدا پاک مقرر کیتے، تُوں اُونکُوں حرام نہ آکھ۔“

1کُرِنتھِیوں 8:7

پر ایہ علم ساریاں دے کولھ نئیں، بلکہ کُجھ ایماندار ہُنڑ تئیں بُتاں دے عادی ہِن۔ اِیں واسطے جِیں ویلے او قُربانی دا گوشت کھاندن تاں ایہ سمجھ تے جو بُت دی پُوجا کریندے پئین، آپنڑے ضمیر دی کمزوری دے سببّوں آپنڑے آپ کُوں قصُوروار سمجھنڑ لگدن۔

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

1کُرِنتھِیوں 10:25

جیہڑا گوشت بازار ءچ وِکدے، او کھاؤ تے آپنڑے ضمیر کُوں تسلی ڈیوݨ کیتے اِیندے بارے ءچ کُجھ نہ پُچھو۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔