رومیوں 9:4 - کِتاب مُقدّس سرائیکی ترجمہ

⁴ او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔

رومیوں 9:4 Referans Kwoze

اِفِسیوں 2:12

اُوں ویلے تُساں مسیح کنُوں جُدا، بنی اِسرائیل دے غیر شہری، اُنہاں نال کیتے ہوئے عہداں دے وعدیاں کنُوں اَݨسُوویں تے دُنیا ءچ نا اُمید تے خُدا کنُوں ناواقف ہَوے۔

رومیوں 9:6

اِیندا ایہ مطلب نئیں جو خُدا دا وعدہ کُوڑا تھی گئے کیوں جو جِتّی اِسرائیل دی نسل ءچوں ہِن او سارے اصلی اِسرائیلی نئیں۔

اعمال 2:39

کیوں جو ایہ وعدہ تُہاڈے کیتے تے تُہاڈی اولاد کیتے بلکہ اُنہاں ساریاں کیتے وی ہے جیہڑے دُور دے ہِن، جِنہاں کُوں خُداوند ساڈا خُدا آپنڑے کولھ سڈیسی۔“

عبرانیوں 9:1

پہلے عہد ءچ وی عبادت دے قانُون ہَن تے زمین اُتے مُقدّس گھر وی ہئی۔

رومیوں 8:15

کیوں جو تُہاکُوں ایجھی رُوح نئیں مِلی جیہڑی تُہاکُوں ڈرݨ آلے غُلام بنڑیندی ہے بلکہ خُدا دی رُوح مِلی ہے جیہڑی تُہاکُوں لےپالک بنڑیندی ہے جیندے وسیلے نال اساں ”ابّا“ یعنی ”باپ“ آکھ تے سڈیندے ہیں۔

یُوحنّا 1:17

کیوں جو شریعت تاں مُوسیٰ دے وسیلے ڈِتی گئی پر فضل تے سچائی یسُوع مسیح دے وسیلے مِلی۔

عبرانیوں 9:10

اُنہاں دا تعلق صرف کھاوݨ پِیوݨ تے غُسل دیاں مختلف رسماں نال ہے۔ ایہ جِسمانی قانُون ہِن جیہڑے صرف نویں نِظام دے آوݨ تئیں مقرر کیتے گئے ہِن۔

عبرانیوں 9:3

وَل ڈُوجھے پڑدے دے پِچُھوں او جاہ ہئی جِینکُوں سبھ تُوں مُقدّس کمرہ آکھیا ویندا ہا۔

یُوحنّا 1:47

یسُوع نتن ایل کُوں آندے ڈِٹھا تاں اُوندے بارے آکھیا، ”ڈیکھو! ایہ اصلی اِسرائیلی ہے، اِیندے ءچ مکر نئیں۔“

متّی 21:33

ہِک بئی مثال سُنڑو۔ ہِک گھر دا مالک ہا جئیں انگُوراں دا باغ رہایا تے اُوندے چودھارُوں واڑ ڈِتی تے اُوندے ءچ رَس کڈھنڑ کیتے حوض کھٹیا تے بُرج بنڑایا تے اُونکُوں ٹھیکیداراں کُوں کاشتکاری کیتے ڈے تے خود پردیس چلیا گِیا۔

رومیوں 3:2

ہر لحاظ نال بہُوں سارا ہے۔ خاص طور تے ایہ جو خُدا دا کلام اُنہاں دے سپُرد کیتا گئے۔

2کُرِنتھِیوں 11:22

کیا او عبرانی ہِن؟ مَیں وی ہاں۔ کیا او اِسرائیلی ہِن؟ مَیں وی ہاں۔ کیا او ابرہام دی اولاد ہِن؟ مَیں وی ہاں۔

گلتِیوں 3:16

خُدا دے وعدے وی جیہڑے اُوں ابرہام تے اُوندی نسل نال کیتے، اِینویں ای ہِن۔ پر کلام ایہ نئیں آدھا جو ”نسلاں نال“ یعنی بہُوں ساریاں نال، بلکہ ”تیڈی نسل نال“ یعنی ہِک ای اِنسان نال۔ تے او مسیح ہے۔

عبرانیوں 9:5

صندوق دے اُتے کروبی فرشتے بنڑائے ہوئے ہَن، جیہڑے خُدا دے جلال کُوں ظاہر کریندے ہَن تے کفارہ دی جاہ یعنی صندوق دے ڈھکنڑ اُتے چھاں کیتی راہندے ہَن۔ پر اِنہاں گالھیں دی تفصیل بیان کرݨ دا ایہ موقع نئیں۔

عبرانیوں 9:6

بس اِنہاں چیزاں دے اِیں ترتیب نال تیار تھی ونجنڑ تُوں بعد کاہِن آپنڑی خدمت کرݨ کیتے تمبُو دے پہلے حصے ءچ بار بار داخل تھیندے راہندے ہَن۔