رومیوں 9:20 - کِتاب مُقدّس سرائیکی ترجمہ

²⁰ اِنسان! تُوں کوݨ ہیں جیہڑا خُدا کُوں جواب ڈیندیں؟ کیا کوئی بنڑی ہوئی چیز آپنڑے بنڑاوݨ آلے کُوں آکھ سگدی ہے جو ”تَیں میکُوں اِینویں کیوں بنڑائے؟“

رومیوں 9:20 Referans Kwoze

متّی 20:15

کیا میکُوں ایہ حق نئیں جو آپنڑے مال نال جیہڑا کُجھ چاہواں کراں؟ یا تیکُوں میڈی نیکی بُری لگدی ہے؟‘

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

1کُرِنتھِیوں 1:20

کِتھاں ہے دانش مند؟ کِتھاں ہے شریعت دا عالم؟ کِتھاں ہے اِیں جہان دا بحث کرݨ آلا؟ کیا خُدا دُنیا دی حِکمت کُوں بیوقُوفی نئیں کھڑایا؟

یعقُوب 2:20

پر بیوقُوف! کیا تُوں ایہ وی نئیں سمجھدا جو اِیمان اعمال دے بغیر مُردہ ہے؟

طِطُس 2:9

غُلاماں کُوں سِکھا جو آپنڑے مالکاں دے تابع راہوݨ، اُنہاں کُوں ہر گالھ ءچ راضی کرݨ تے بحث کیتے بغیر گالھ مننڑ،

رومیوں 2:1

اِیں واسطے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

1کُرِنتھِیوں 7:16

ذال! تیکُوں کیا پتہ، متاں تُوں آپنڑے پئے دی نجات دا سبب بنڑ ونجیں، تے پئے! تیکُوں کیا پتہ، متاں تُوں آپنڑی ذال دی نجات دا سبب بنڑ ونجیں؟

لُوقا 12:14

یسُوع اُونکُوں آکھیا، ”میاں، کئیں میکُوں تُہاڈا مُنصف یا ونڈاوݨ آلا مقرر کیتے؟“

رومیوں 2:3

اِنسان! تُوں جیہڑا ایجھے کم کرݨ آلیاں اُتے اِلزام لیندیں تے خود اُوہو کم کریندیں، کیا ایہ سمجھدیں جو تُوں خُدا دی عدالت کنُوں بچ ویسیں؟

رومیوں 9:21

کیا کُمہار کُوں اِختیار نئیں جو لوئی ہوئی مِٹی کنُوں ہِک تھاں عزت آلے کماں کیتے بنڑاوے تے ڈُوجھا ذِلت آلے کماں کیتے۔

رومیوں 9:22

بس حیرانگی دی کیا گالھ ہے، جے خُدا آپنڑے غضب تے آپنڑی قُدرت کُوں ظاہر کرݨ دے اِرادے نال اُنہاں کُوں جِنہاں اُتے غضب تھیسی، جیہڑے ہلاکت کیتے تیار کیتے گئے ہَن، بہُوں صبر نال برداشت کریندا ریہا،

رومیوں 14:4

تُوں کوݨ ہیں جو کہیں ڈُوجھے دے نوکر اُتے اِلزام لاویں؟ او قائم ہے یا ڈھٹھا پِیا ہے، اُوندے مالک دا فیصلہ ہے۔ بلکہ او قائم کیتا ویسی کیوں جو خُداوند اُونکُوں قائم کرݨ اُتے قادر ہے۔

2 تِیمُتھِیُس 2:20

ہِک وڈے گھر ءچ نہ صرف سونے چاندی دے تھاں ہوندن بلکہ لکڑ تے مِٹی دے وی ہوندن۔ کُجھ عزت آلے کماں کیتے تے کُجھ عام کماں کیتے۔