رومیوں 9:17 - کِتاب مُقدّس سرائیکی ترجمہ

¹⁷ کیوں جو کلام ءچ خُدا فرعون کُوں آکھیا، ”مَیں تیکُوں اِیں واسطے کھڑا کیتے جو تیڈے سببّوں آپنڑی قُدرت ظاہر کراں تے اِینویں ساری دُنیا ءچ میڈا ناں مشہور تھی ونجے۔“

رومیوں 9:17 Referans Kwoze

یُوحنّا 17:26

تے مَیں اُنہاں کُوں تیڈے ناں تُوں واقف کرا ڈِتے، تے کریندا راہساں تاں جو جیہڑی محبت تیکُوں میڈے نال ہئی او اُنہاں ءچ ہووے تے مَیں وی اُنہاں ءچ ہونواں۔“

گلتِیوں 3:22

پر خُدا دا کلام آدھے جو سبھ لوک گُناہ دے قبضے ءچ ہِن تاں جو او وعدہ جیہڑا یسُوع مسیح اُتے اِیمان گِھن آوݨ نال مِلدے اُنہاں ساریاں نال پُورا کیتا ونجے جیہڑے اِیمان گِھن آندے ہِن۔

گلتِیوں 4:30

پر خُدا دا کلام کیا آدھے؟ ایہ جو ”اِیں کنیز تے اُوندے پوتر کُوں کڈھ ڈیؤ کیوں جو کنیز دا پوتر ازاد دے پوتر نال ہرگز وارث نہ ہوسی۔“

گلتِیوں 3:8

خُدا دے کلام پہلے ای پیشن گوئی کیتی ہئی جو خُدا غیر قوماں کُوں اِیمان دے وسیلے راستباز کھڑیسی۔ تے وقت کنُوں پہلے ای ابرہام کُوں ایہ خوشخبری سُنڑا ڈِتی ہئی جو ”تیڈے وسیلے نال سبھ قوماں برکت پیسن۔“

رومیوں 11:4

پر خُدا اُونکُوں جواب ڈِتا، ”مَیں آپنڑے کیتے سَت ہزار بندے بچا گِھدے ہِن جِنہاں بعل دے بُت کُوں سجدہ نئیں کیتا۔“