رومیوں 8:7 - کِتاب مُقدّس سرائیکی ترجمہ

⁷ کیوں جو جِسمانی نیّت خُدا دی مخالفت کریندی ہے۔ او نہ تاں خُدا دی شریعت دے تابع ہے نہ تھی سگدی ہے۔

رومیوں 8:7 Referans Kwoze

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

رومیوں 7:22

کیوں جو دِلُوں تاں مَیں خُدا دی شریعت تُوں بہُوں خوش ہاں،

عبرانیوں 8:10

رب ایہ وی فرمیندے جو جیہڑا عہد مَیں اُنہاں ڈینہاں تُوں بعد بنی اِسرائیل نال بدھیساں، او ایہ ہوسی جو مَیں آپنڑے حُکم اُنہاں دے ذہناں ءچ پیساں تے اُنہاں دے دِلاں اُتے لِکھیساں مَیں ای اُنہاں دا خُدا ہوساں تے او میڈی قوم ہوسن۔

2 تِیمُتھِیُس 3:4

دوکھے باز، بے پرواہ، مغرُور تے خُدا دی نسبت عیش و عشرت کُوں زیادہ پسند کرݨ آلے ہوسن۔

کلُسِّیوں 1:21

ہِک وقت ہا جِیں ویلے تُساں خُدا کنُوں بہُوں دُور ہَوے تے آپنڑی بُری سوچ تے کماں دے سببّوں اُوندے دُشمنڑ ہَوے۔

رومیوں 8:4

تاں جو شریعت دے تقاضے ساڈے ءچ پُورے تھیوݨ، جیہڑے جِسمانی فطرت دے مطابق نئیں بلکہ رُوح القُدس دے مطابق زندگی گُزریندے ہیں۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

رومیوں 1:30

کُوڑے اِلزام لاوݨ آلے، خُدا تُوں نفرت کرݨ آلے، گُستاخ، مغرُور تے شیخی باز، بدی دے بانی، آپنڑے ماء پِیُو دے نافرمان،

متّی 12:34

نانگ دے بالو! تُساں بُرے تھی تے کِینویں چنگے گالھیں آکھ سگدے ہیوے؟ کیوں جو جیہڑا دل ءچ ہوندے اُوہو زبان اُتے آندے۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔

متّی 5:19

بس جیہڑا کوئی اِنہاں چھوٹے تُوں چھوٹے حُکماں ءچوں کہیں کُوں توڑیسی تے ڈُوجھیاں کُوں وی اِینویں کرݨ سکھیسی او اسمان دی بادشاہی ءچ سبھ تُوں چھوٹا اکھویسی۔ پر جیہڑا اُنہاں اُتے عمل کریسی تے اُنہاں دی تعلیم ڈیسی او اسمان دی بادشاہی ءچ وڈا اکھویسی۔

1کُرِنتھِیوں 9:21

جِنہاں دے کولھ شریعت نئیں، اُنہاں دے وچال مَیں بغیر شریعت آلا بنڑیا تاں جو اُنہاں کُوں جِنہاں کولھ شریعت نئیں گِھن آواں۔ بےشک مَیں خُدا دی شریعت تُوں ازاد نئیں بلکہ مسیح دی شریعت دے تابع ہاں۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔