رومیوں 8:38 - کِتاب مُقدّس سرائیکی ترجمہ

³⁸ کیوں جو میکُوں یقین ہے جو کوئی چیز وی ساکُوں خُدا دی اُوں محبت کنُوں اَنج نہ کر سگسی جیہڑی ساڈے خُداوند یسُوع المسیح دے ذریعے ساڈے اُتے ظاہر کیتی گئی ہے، نہ موت، نہ زندگی،

رومیوں 8:38 Referans Kwoze

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

رومیوں 14:8

جے اساں زندہ ہیں تاں خُداوند دی خاطر زندہ ہیں، تے جے مردے ہیں تاں خُداوند دی خاطر مردے ہیں، اِیں واسطے بھانویں اساں زندہ راہوں یا مرُوں، اساں خُداوند ای دے ہیں۔

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

کلُسِّیوں 1:16

اُوندے وسیلے سبھ چیزاں خلق تھئیاں، بھانویں او اسمان دیاں ہووݨ یا زمین دیاں، ڈِٹھیاں ہووݨ یا اَن ڈِٹھیاں، تخت ہووݨ یا طاقتاں، حکومتاں ہووݨ یا اِختیار۔ خُدا سبھ چیزاں کُوں مسیح دے وسیلے تے اُوندی خاطر پیدا کیتا۔

کلُسِّیوں 2:15

تے حُکمراناں تے اِختیار آلیاں دے ہتھیاراں کُوں گِھن تے صلیب دے وسیلے اُنہاں اُتے فتح پائی تے اُنہاں دا کُھلے عام تماشا بنڑایا۔

اِفِسیوں 1:21

تے اُونکُوں ہر قِسم دی حکُومت تے اِختیار تے قُدرت تے ریاست بلکہ ہر ہِک ناں کنُوں اُچا کیتا، نہ صرف اِیں جہان ءچ بلکہ آوݨ آلے جہان ءچ وی۔

2کُرِنتھِیوں 4:13

کلام ءچ لِکھیا ہے جو ”مَیں اِیمان گِھن آیا تے اِیں واسطے آکھیا۔“ ساڈے ءچ ایجھا ای اِیمان ہے، اِیں واسطے اساں وی اِیمان گِھن آوݨ دے سببّوں اکھیندے ہیں۔

رومیوں 4:21

اُونکُوں پکا یقین ہا جو جِیں خُدا وعدہ کیتے او اُونکُوں پُورا کرݨ دی وی قُدرت رکھیندے۔

2کُرِنتھِیوں 11:14

تے ایہ کوئی انوکھی گالھ نئیں کیوں جو شیطان وی آپنڑے آپ کُوں نُورانی فرشتے دا ہم شکل بنڑا گِھندے۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 14:7

کیوں جو ساڈے ءچوں کوئی وی صرف آپنڑے واسطے زندہ نئیں راہندا تے نہ ای کوئی صرف آپنڑے واسطے مردے۔

1کُرِنتھِیوں 15:24

وَل آخرت ہوسی۔ اُوں ویلے مسیح ساری حکُومت، سارا اِختیار تے قُدرت فنا کر تے بادشاہی کُوں خُدا باپ دے حوالے کر ڈیسی۔