رومیوں 8:37 - کِتاب مُقدّس سرائیکی ترجمہ

³⁷ وَل وی اِنہاں سارے حالات ءچ ساکُوں اُوندے وسیلے نال زبردست فتح حاصل تھیندی ہے جئیں ساڈے نال محبت کیتی۔

رومیوں 8:37 Referans Kwoze

1کُرِنتھِیوں 15:57

پر خُدا دا شُکر ہے جیہڑا ساڈے خُداوند یسُوع مسیح دے وسیلے نال ساکُوں فتح بخشیندے۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

2کُرِنتھِیوں 2:14

پر خُدا دا شُکر ہے جو او ساکُوں مسیح دی فتح دے جلُوس ءچ ہمیشاں گِھن ویندے تے ساڈے وسیلے نال مسیح کُوں جانڑݨ دی خوشبو ہر جاہ کِھنڈیندے۔

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔

مُکاشفہ 12:11

او لوک لیلے دے خون تے آپنڑی گواہی ڈیوݨ دے سببّوں اُوندے اُتے غالب آئے، اُنہاں آپنڑیاں زندگیاں کُوں عزیز نہ سمجھیا، اِتُھوں تئیں جو موت کُوں گَل لا گِھدا۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

2کُرِنتھِیوں 12:9

پر اُوں میکُوں آکھیا جو ”میڈا فضل تیڈے کیتے کافی ہے کیوں جو میڈی قُدرت دا اِظہار کمزوری ءچ پُورا تھیندے۔“ اِیں واسطے مَیں وڈی خوشی نال آپنڑی کمزوری اُتے فخر کریساں تاں جو مسیح دی قُدرت میڈے اُتے راہوے۔

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

1 یُوحنّا 4:19

اساں اِیں واسطے محبت رکھیندے ہیں جو پہلے خُدا ساڈے نال محبت رکھی۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

1کُرِنتھِیوں 15:54

تے جِیں ویلے ایہ فانی جِسم حیاتی دا لباس پا گِھنسی تے ایہ مرݨ آلا جِسم ہمیشاں دی حیاتی دا لباس پا گِھنسی تاں او قول پُورا تھیسی جیہڑا لِکھیا ہے جو موت فتح دا گِراں تھی گئی۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

مُکاشفہ 3:9

ڈیکھ! مَیں شیطان دی جماعت دے اُنہاں لوکاں نال جیہڑے آپنڑے آپ کُوں بنی اِسرائیل آدھے ہِن پر ہِن نئیں بلکہ کُوڑے ہِن، اِینویں کریساں جو او آ تے تیڈے پیراں اُتے ڈھے تے سجدہ کریسن تے منیسن جو مَیں تیڈے نال محبت رکھیندا ہاں۔

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

2کُرِنتھِیوں 12:19

کیا تُساں ہُنڑ تئیں اِیہو سمجھدے ہیوے جو اساں تُہاڈے سامنڑے آپنڑا دفاع پیش کریندے ہیں؟ اساں تاں مسیح دے بندے ہوندے ہوئے خُدا کُوں حاضر جاݨ تے بُولیندے ہیں تے عزیزو، اساں جیہڑا کُجھ وی کریندے ہیں او تُہاڈی ترقی کیتے کریندے ہیں۔

رومیوں 8:35

کوݨ ساکُوں مسیح دی محبت کنُوں اَنج کریسی؟ کیا مُصیبت یا تنگی یا ظلم یا قحط یا ننگا پن یا خطرہ یا تلوار؟