رومیوں 8:34 - کِتاب مُقدّس سرائیکی ترجمہ

³⁴ کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

رومیوں 8:34 Referans Kwoze

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

رومیوں 8:27

تے او جیہڑا ساڈے دِلاں کُوں پرکھدا ہے رُوح القُدس دی سوچ کُوں جانڑدے کیوں جو رُوح القُدس خُدا دی مرضی دے مطابق مُقدّساں دی شفاعت کریندے۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

عبرانیوں 9:24

مسیح اِنسانی ہتھاں دے بنڑے مُقدّس گھر ءچ داخل نئیں تھیّا، جیہڑا حقیقی مُقدّس گھر دی صرف نقل ہے، بلکہ اسمان ءچ ای داخل تھیّا تاں جو او ساڈی خاطر خُدا دے سامنڑے حاضر تھیوے۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

کلُسِّیوں 3:1

تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

رومیوں 14:9

کیوں جو مسیح اِیں واسطے مویا تے زندہ تھیّا جو مویاں تے زندیاں ڈوہائیں دا خُداوند ہووے۔

رومیوں 4:25

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

رومیوں 14:13

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

یُوحنّا 16:23

اُوں ڈینہہ تُساں میڈے تُوں کُجھ نہ پُچھسو۔ مَیں تُہاکُوں سچ آدھا ہاں جو جے تُساں باپ کنُوں میڈے ناں تُوں کُجھ منگسو تاں او تُہاکُوں ڈیسی۔

یُوحنّا 14:19

ایہ دُنیا کُجھ دیر بعد میکُوں نہ ڈیکھ سگسی پر تُساں میکُوں ڈیدھے راہسو۔ کیوں جو مَیں زندہ ہاں، تُساں وی زندہ راہسو۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔