رومیوں 8:28 - کِتاب مُقدّس سرائیکی ترجمہ

²⁸ تے اساں جانڑدے ہیں جو ساریاں چیزاں مِل تے خُدا نال محبت رکھنڑ آلیاں کیتے بھلائی پیدا کریندیاں ہِن یعنی اُنہاں کیتے جیہڑے اُوندے اِرادے دے مطابق سڈے گئے ہِن۔

رومیوں 8:28 Referans Kwoze

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

1کُرِنتھِیوں 2:9

پر جِینویں پاک کلام ءچ لِکھیا ہے اُونویں ای تھیّا جو ”جیہڑا نہ تاں کہیں اکھ ڈِٹھا، نہ کہیں کَن سُنڑیا، نہ کہیں دے خیال ءچ آیا، او سبھ کُجھ خُدا اُنہاں کیتے تیار کیتا جیہڑے اُوں نال محبت رکھیندے ہِن۔“

رومیوں 8:30

تے جِنہاں کُوں اُوں پہلے کنُوں مقرر کیتا اُنہاں کُوں سڈیا وی، تے جِنہاں کُوں سڈیا اُنہاں کُوں راستباز وی کھڑایا، تے جِنہاں کُوں راستباز کھڑایا اُنہاں کُوں جلال وی بخشیا۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔

گلتِیوں 1:15

پر خُدا میکُوں میڈی پیدائش کنُوں پہلے ای چُنڑ گِھدا تے آپنڑے فضل نال میکُوں آپنڑی خدمت کیتے سڈ گِھدا۔ تے جِیں ویلے اُوندی مرضی تھئی

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

مرقس 12:30

تُوں رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری عقل تے آپنڑی ساری طاقت نال محبت رکھ۔‘

اِفِسیوں 3:11

ایہ ای خُدا دا ازلی اِرادہ ہا جیہڑا اُوں ساڈے خُداوند یسُوع مسیح دے ذریعے پُورا کیتا۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

1 یُوحنّا 4:19

اساں اِیں واسطے محبت رکھیندے ہیں جو پہلے خُدا ساڈے نال محبت رکھی۔

2 تِیمُتھِیُس 2:19

وَل وی خُدا دی مضبوط بنیاد قائم راہندی ہے تے اُوندے اُتے اِنہاں گالھیں دی مُہر تھی گئی ہے جو ”رب آپنڑے بندیاں کُوں پچھاݨ گِھندے۔“ تے ”جیہڑا کوئی رب دا ناں گِھندے او بدی تُوں دُور راہوے۔“

1 یُوحنّا 4:10

محبت ایہ نئیں جو اساں خُدا نال محبت کیتی بلکہ ایہ ہے جو اُوں ساڈے نال محبت کیتی تے آپنڑے پوتر کُوں بھیجیا تاں جو او ساڈے گُناہاں دا کفارہ بنڑے۔

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

گلتِیوں 5:8

اِینویں کرݨ تے اُکساوݨ آلا خُدا نئیں جئیں تُہاکُوں سڈے۔

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

رومیوں 11:29

کیوں جو خُدا دیاں نعمتاں تے اُوندا بُلاوا کڈھائیں تبدیل نئیں تھیندا۔

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

1کُرِنتھِیوں 1:24

پر خُدا دے سڈے ہوئے لوکاں کیتے بھانویں او یہُودی ہووݨ یا غیریہُودی، مسیح خُدا دی قُدرت تے اُوندی حِکمت ہے۔

گلتِیوں 1:6

میں حیران ہاں جو تُساں اِتنی جلدی خُدا کنُوں مُنہ پِھریندے پئے ہیوے جئیں تُہاکُوں مسیح دے فضل نال سڈیا تے تُساں کہیں بئی خوشخبری دے پِچُھوں لگ گئے ہیوے۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

فِلِپّیوں 3:14

مَیں سِدھا منزل دو بھجدا ویندا ہاں تاں جو او اِنعام حاصل کراں جیندے کیتے خُدا میکُوں یسُوع مسیح ءچ اسمان دو سڈیا ہے۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔