رومیوں 8:24 - کِتاب مُقدّس سرائیکی ترجمہ

²⁴ کیوں جو اِیں اُمید ءچ ساکُوں نجات مِلی۔ پر جے او چیز جیندی اُمید ہے سامنڑے آ ونجے تاں وَل کیجھی اُمید؟ کوݨ اُوں چیز دی اُمید رکھیندے، جیہڑی اُونکُوں پہلے ای مِل گئی ہووے؟

رومیوں 8:24 Referans Kwoze

عبرانیوں 11:1

اِیمان، اُمید کیتی ہوئی چیزاں دے بارے ءچ اعتماد تے اَن ڈِٹھے چیزاں دا یقین ہے۔

2کُرِنتھِیوں 5:7

کیوں جو اساں اِیمان ءچ ٹُردے ہیں نہ جو اکھیں نال ڈیکھنڑ نال۔

2کُرِنتھِیوں 4:18

اِیں واسطے اساں نظر آوݨ آلیاں چیزاں اُتے نئیں بلکہ نظر نہ آوݨ آلیاں چیزاں اُتے غور کریندے ہیں کیوں جو نظر آوݨ آلیاں چیزاں عارضی ہِن پر نظر نہ آوݨ آلیاں ابدی ہِن۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

رومیوں 15:4

جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔

گلتِیوں 5:5

پر اساں رُوح القُدس دے وسیلے اِیمان نال راستباز تھیوݨ دے انتظار ءچ ہیں، جیندی ساکُوں اُمید ہے۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

1کُرِنتھِیوں 13:13

بس اِیمان، اُمید تے محبت ایہ ترِیحو ہمیشاں قائم راہندن پر محبت اِنہاں ءچوں افضل ہے۔

رومیوں 4:18

ابرہام نا اُمیدی ءچ وی اِیمان رکھیندا ہا تے بہُوں ساریاں قوماں دا پِیُو بنڑیا جِینویں جو اُونکُوں آکھیا گِیا ہا جو ”تیڈی نسل اِینویں ای ہوسی۔“

رومیوں 8:20

کیوں جو ساری مخلوق آپنڑی مرضی نال نئیں بلکہ خُدا دی مرضی نال لعنت دے اِختیار ءچ کر ڈِتی گئی، اِیں اُمید نال

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔