رومیوں 8:17 - کِتاب مُقدّس سرائیکی ترجمہ

¹⁷ تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

رومیوں 8:17 Referans Kwoze

گلتِیوں 4:7

بس ہُنڑ تُساں غُلام نئیں ریہے بلکہ پوتر بنڑ گئے ہیوے، تے جے پوتر تھئے تاں خُدا تُہاکُوں وارث وی بنڑا ڈِتے۔

گلتِیوں 3:29

تے جے تُساں مسیح دے ہیوے تاں ابرہام دی نسل تے وعدے دے مطابق وارث وی ہیوے۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

عبرانیوں 6:17

اِیں واسطے جِیں ویلے خُدا دی مرضی تھئی جو وعدے دے وارثاں اُتے بِیا وی صاف طور تے ظاہر کرے جو میڈا اِرادہ لاتبدیل ہے تاں اُوں قَسم کھا تے اِیندی تصدیق کیتی۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

فِلِپّیوں 1:29

کیوں جو تُہاڈے اُتے نہ صرف مسیح اُتے اِیمان گِھن آوݨ دا فضل تھئے بلکہ اُوندی خاطر ڈُکھ سہوݨ دا وی۔

2کُرِنتھِیوں 1:7

تے تُہاڈے بارے ءچ ساڈی اُمید مضبوط ہے کیوں جو ساکُوں یقین ہے جو جِینویں تُساں ڈُکھاں ءچ ساڈے نال شریک ہیوے اُونویں ای تسلی ءچ وی شریک ہوسو۔

رومیوں 5:17

کیوں جو جڈاں ہِک بندے دے گُناہ دی وجہ کنُوں موت ساریاں اُتے حکُومت کیتی تاں جیہڑے لوک خُدا دے بہُوں زیادہ فضل تے راستبازی دی نعمت حاصل کریندے ہِن، او وی ہِک بندے یعنی یسُوع مسیح دے وسیلے نال ہمیشاں دی زندگی ءچ ضرور حکُومت کریسن۔

عبرانیوں 1:14

کیا او سارے فرشتے خدمت گُزار رُوحاں نئیں، جیہڑیاں نجات پاوݨ آلیاں دی خدمت کیتے بھیجیاں ویندیاں ہِن؟

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

1کُرِنتھِیوں 2:9

پر جِینویں پاک کلام ءچ لِکھیا ہے اُونویں ای تھیّا جو ”جیہڑا نہ تاں کہیں اکھ ڈِٹھا، نہ کہیں کَن سُنڑیا، نہ کہیں دے خیال ءچ آیا، او سبھ کُجھ خُدا اُنہاں کیتے تیار کیتا جیہڑے اُوں نال محبت رکھیندے ہِن۔“

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

اعمال 20:32

ہُنڑ مَیں تُہاکُوں خُدا تے اُوندے فضل دے کلام دے سپُرد کریندا ہاں جیہڑا تُہاڈے اِیمان دی ترقی دا سبب بنڑ سگدے تے تُہاکُوں سارے مُقدّساں ءچ شامل کر تے میراث دا حقدار بنڑا سگدے۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

2کُرِنتھِیوں 1:5

کیوں جو جِینویں اساں مسیح دے ڈُکھ ءچ بہُوں زیادہ شریک تھیندے ہیں، اُونویں ای ساکُوں مسیح دے وسیلے تسلی وی بہُوں زیادہ مِلدی ہے۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔