رومیوں 7:9 - کِتاب مُقدّس سرائیکی ترجمہ

⁹ ہِک وقت ہا جو مَیں شریعت دے بغیر زندگی گُزریندا ہم پر جِیں ویلے حُکم آیا تاں گُناہ زندہ تھی گِیا تے مَیں مر گِیا۔

رومیوں 7:9 Referans Kwoze

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

رومیوں 8:7

کیوں جو جِسمانی نیّت خُدا دی مخالفت کریندی ہے۔ او نہ تاں خُدا دی شریعت دے تابع ہے نہ تھی سگدی ہے۔

گلتِیوں 2:19

کیوں جو شریعت دے وسیلے ای مَیں شریعت دے لحاظ نال مر گِیا، تاں جو خُدا کیتے زندہ راہواں۔

رومیوں 10:5

کیوں جو مُوسیٰ اُوں راستبازی دے بارے ءچ جیہڑی شریعت کنُوں ہے ایہ لِکھیا ہے جو ”جیہڑا اُنہاں حُکماں اُتے عمل کریندے او اُنہاں دے وسیلے زندہ راہسی۔“

رومیوں 7:11

کیوں جو گُناہ اِیں حُکم کنُوں فائدہ چا تے میکُوں ورغلایا تے اِیندے ذریعے میکُوں مار سٹیا۔

رومیوں 7:6

پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

رومیوں 7:4

بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

لُوقا 18:21

اُوں آکھیا، ”اِنہاں ساریاں اُتے تاں مَیں چھوٹے لا کنُوں عمل کیتا ہے۔“

لُوقا 15:29

اُوں آپنڑے پِیُو کُوں جواب ءچ آکھیا، ’ڈیکھ، مَیں اِتنے سالہاں کنُوں تیڈی خدمت کریندا ہاں تے کڈھائیں تیڈی نافرمانی نئیں کیتی۔ پر تُوں میکُوں کڈھائیں بکری دا ہِک لیلا وی نئیں ڈِتا جو آپنڑے دوستاں نال خوشی منیندا۔

متّی 19:20

اُوں جوان آکھیا جو ”مَیں اِنہاں ساریاں اُتے عمل کیتا ہے۔ ہُنڑ میڈے ءچ کیہڑی گالھ دی کمی ہے؟“

رومیوں 7:8

پر گُناہ اِیں حُکم کنُوں فائدہ چا تے میڈے اندر ہر طرحاں دا لالچ پیدا کر ڈِتا کیوں جو شریعت دے بغیر گُناہ مُردہ ہے۔

رومیوں 7:10

تے جیہڑے حُکم دا مقصد زندگی ڈیوݨ ہا اُوہو میڈے کیتے موت دا سبب بنڑ گِیا۔