رومیوں 7:6 - کِتاب مُقدّس سرائیکی ترجمہ

⁶ پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

رومیوں 7:6 Referans Kwoze

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

رومیوں 7:4

بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

رومیوں 6:4

بس بپتسمہ دے وسیلہ اساں اُوندی موت ءچ شامل تھی تے اُوندے نال دفن تھئے تاں جو جِینویں مسیح اسمانی باپ دی جلالی قُدرت دے وسیلے نال مُردیاں ءچوں زندہ کیتا گِیا، اُونویں ای اساں وی نوِیں زندگی گُزاروں۔

گلتِیوں 3:13

مسیح ساڈے کیتے لعنتی بنڑ تے ساکُوں شریعت دی لعنت کنُوں چُھڑا گِھدا کیوں جو لِکھیا ہے جو ”جیہڑا کوئی درخت اُتے لٹکایا گِیا او لعنتی ہے، “

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

رومیوں 7:1

بِھراؤ! کیا تُساں نئیں جانڑدے (مَیں اُنہاں کُوں آدھا ہاں جیہڑے شریعت کنُوں واقف ہِن) جو اِنسان صرف اُوں ویلے تئیں شریعت دے ماتحت ہے، جئیں تئیں او زندہ ہے؟

رومیوں 6:2

ہرگز نئیں! اساں جیہڑے گُناہ دے اعتبار کنُوں مر گئے ہیں تاں ہُنڑ کِینویں گُناہ آلی زندگی گُزار سگدے ہیں؟

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

رومیوں 6:11

اِینویں ای تُساں وی آپنڑے آپ کُوں گُناہ دے لحاظ نال تاں مُردہ، پر خُدا دے جلال کیتے یسُوع مسیح ءچ زندہ سمجھو۔

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

رومیوں 7:2

مثال دے طور تے ہِک شادی شدہ عورت شریعت دے مطابق پئے دے زندہ ہووݨ تئیں اُوندی پابند ہوندی ہے، پر جے اُوندا پایا مر ونجے تاں او شادی آلے قانُون تُوں آزاد تھی ویندی ہے۔

اِفِسیوں 4:24

تے نوِیں فطرت کُوں پا گِھنو جیہڑی سچی راستبازی تے پاکیزگی ءچ خُدا دی صورت اُتے پیدا کیتی گئی ہے۔