رومیوں 7:25 - کِتاب مُقدّس سرائیکی ترجمہ

²⁵ خُدا دا شُکر ہے جو او ساڈے خُداوند یسُوع مسیح دے وسیلے میکُوں چُھڑویسی۔ بس میڈا حال ایہ ہے جو مَیں آپنڑی عقل کنُوں خُدا دی شریعت دا تے جِسم کنُوں گُناہ دی شریعت دا غُلام ہاں۔

رومیوں 7:25 Referans Kwoze

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

1کُرِنتھِیوں 15:57

پر خُدا دا شُکر ہے جیہڑا ساڈے خُداوند یسُوع مسیح دے وسیلے نال ساکُوں فتح بخشیندے۔

رومیوں 6:17

پر خُدا دا شُکر ہے جو بےشک پہلے تُساں گُناہ دے غُلام ہَوے پر ہُنڑ دل نال اُوں تعلیم دے تابع تھی گئے ہیوے جیہڑی تُہاڈے سپُرد کیتی گئی۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

2کُرِنتھِیوں 9:15

خُدا دا شُکر اُوندی اُوں بخشش کیتے جِیندا بیان لفظاں ءچ ممکن نئیں۔

متّی 1:21

اُوندے پوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔“

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

اِفِسیوں 5:20

تے ہمیشاں ہر گالھ ءچ ساڈے خُداوند یسُوع مسیح دے ناں نال خُدا باپ دا شُکر کریندے راہو۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔