رومیوں 7:22 - کِتاب مُقدّس سرائیکی ترجمہ

²² کیوں جو دِلُوں تاں مَیں خُدا دی شریعت تُوں بہُوں خوش ہاں،

رومیوں 7:22 Referans Kwoze

عبرانیوں 8:10

رب ایہ وی فرمیندے جو جیہڑا عہد مَیں اُنہاں ڈینہاں تُوں بعد بنی اِسرائیل نال بدھیساں، او ایہ ہوسی جو مَیں آپنڑے حُکم اُنہاں دے ذہناں ءچ پیساں تے اُنہاں دے دِلاں اُتے لِکھیساں مَیں ای اُنہاں دا خُدا ہوساں تے او میڈی قوم ہوسن۔

2کُرِنتھِیوں 4:16

اِیں واسطے اساں حوصلہ نئیں چھوڑیندے۔ بےشک اساں ظاہری طور تے ختم تھیندے ویندے ہیں، وَل وی اندر ای اندر ہر روز نویں بنڑدے ویندے ہیں۔

اِفِسیوں 3:16

میں دُعا کریندا ہاں جو او آپنڑے جلال دی دولت دے مطابق تُہاکُوں ایہ بخشے جو تُساں اُوندے رُوح القُدس دے ذریعے آپنڑے آپ ءچ بہُوں زور آور تھی ونجو،

1 پطرس 3:4

بلکہ تُساں باطنی طور تے یعنی حلیمی تے نرم مزاجی نال آپنڑے آپ کُوں سنوارو۔ اِیں غیرفانی خوبصورتی دی خُدا دی نظر ءچ بہُوں قدر ہے۔

رومیوں 8:7

کیوں جو جِسمانی نیّت خُدا دی مخالفت کریندی ہے۔ او نہ تاں خُدا دی شریعت دے تابع ہے نہ تھی سگدی ہے۔

کلُسِّیوں 3:9

ہِک ڈُوجھے نال کُوڑ نہ بولو کیوں جو تُساں آپنڑی پُرانڑی فطرت کُوں اُوندے کماں سمیت لہا ڈِتے۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

رومیوں 2:29

بلکہ یہُودی اُوہو ہے جیہڑا دِلی طور تے یہُودی ہے تے ختنہ اُوہو ہے جیہڑا دل دا تے رُوحانی ہے نہ جو لِکھے ہوئے حُکم دا۔ ایجھے اِنسان دی تعریف آدمیاں دی طرفوں نئیں بلکہ خُدا دی طرفوں ہوندی ہے۔