رومیوں 6:4 - کِتاب مُقدّس سرائیکی ترجمہ

⁴ بس بپتسمہ دے وسیلہ اساں اُوندی موت ءچ شامل تھی تے اُوندے نال دفن تھئے تاں جو جِینویں مسیح اسمانی باپ دی جلالی قُدرت دے وسیلے نال مُردیاں ءچوں زندہ کیتا گِیا، اُونویں ای اساں وی نوِیں زندگی گُزاروں۔

رومیوں 6:4 Referans Kwoze

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

رومیوں 7:6

پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

رومیوں 6:9

کیوں جو ساکُوں پتا ہے جو جڈاں مسیح مُردیاں ءچوں زندہ کیتا گِیا تاں ولا کڈھائیں نہ مرسی۔ موت دا اُوندے اُتے کوئی اِختیار نئیں۔

2کُرِنتھِیوں 13:4

ہا، او کمزوری دی حالت ءچ صلیب اُتے چڑھایا گِیا پر خُدا دی قُدرت دے سببّوں زندہ ہے، تے اساں وی اُوندی طرحاں کمزور تاں ہیں پر اُوندے نال خُدا دی اُوں قُدرت دے سببّوں زندہ ہوسُوں جیہڑی تُہاڈے کیتے ہے۔

رومیوں 6:3

کیا تُساں نئیں جانڑدے جو ساڈے ءچوں جیہڑے لوکاں مسیح یسُوع ءچ شامل تھیوݨ دا بپتسمہ گِھدے تاں اُوندی موت ءچ شامل تھیوݨ دا بپتسمہ گِھدے؟

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

1کُرِنتھِیوں 6:14

تے خُدا آپنڑی قُدرت نال ساکُوں وی زندہ کریسی جِینویں خُداوند یسُوع کُوں زندہ کیتا۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

یُوحنّا 11:40

یسُوع اُونکُوں آکھیا، ”کیا مَیں تیکُوں نہ آکھیا ہم جو جے تُوں اِیمان گِھن آسیں تاں خُدا دا جلال ڈیکھسیں؟“

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

کلُسِّیوں 4:1

مالکو! آپنڑے نوکراں نال عدل تے اِنصاف نال پیش آؤ کیوں جو تُساں جانڑدے ہیوے جو اسمان اُتے تُہاڈا وی ہِک مالک ہے۔

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

یُوحنّا 2:11

ایہ یسُوع دا پہلا معجزہ ہا جیہڑا اُوں گلیل دی وستی قانا ءچ ڈِکھا تے آپنڑاں جلال ظاہر کیتا تے اُوندے شاگرد اُوندے اُتے اِیمان گِھن آئے۔

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

رومیوں 6:8

جڈاں اساں مسیح دے نال مر گئے تاں ساکُوں یقین ہے جو اُوندے نال زندہ وی تھی ویسوں۔