رومیوں 6:19 - کِتاب مُقدّس سرائیکی ترجمہ

¹⁹ مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

رومیوں 6:19 Referans Kwoze

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

گلتِیوں 3:15

بِھراؤ! مَیں اِنسانی زندگی دی ہِک مثال ڈیندا ہاں جو بھانویں کوئی اِنسانی معاہدہ ای ہووے، جڈاں اُوندی تصدیق تھی گئی ہووے تاں نہ کوئی اُونکُوں ختم کر سگدے تے نہ ای اُوندے ءچ کُجھ ودھا سگدے۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

1کُرِنتھِیوں 9:8

کیا مَیں ایہ گالھیں اِنسانی سوچ نال آدھا ہاں؟ کیا شریعت وی اِیہو نئیں آدھی؟

1کُرِنتھِیوں 5:6

تُہاڈا فخر کرݨ ٹھیک نئیں۔ کیا تُساں نئیں جانڑدے جو تھوڑا جِیہا خمیر سارے مَلے ہوئے اٹّے کُوں خمیرا کر ڈیندے؟

رومیوں 15:1

اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ صرف آپنڑی خوشی کرُوں۔

رومیوں 8:26

اِینویں ای رُوح القُدس وی ساڈی کمزوری ءچ ساڈی مدد کریندے۔ اساں تے ایہ نئیں جانڑدے جو کیہڑی چیز کیتے دُعا کرݨ چاہیدی ہے۔ پر رُوح آپ ایجھے ہائیں بھر بھر تے ساڈی شفاعت کریندے، جِنہاں دا بیان نئیں تھی سگدا۔

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

رومیوں 7:23

پر میکُوں آپنڑے انگاں ءچ ہِک بئی شریعت نظر آندی ہے جیہڑی میڈی عقل دی شریعت نال لڑ تے میکُوں گُناہ دی اُوں شریعت دا قیدی بنڑا ڈیندی ہے جیہڑی میڈے انگاں ءچ کم کریندی ہے۔