رومیوں 6:13 - کِتاب مُقدّس سرائیکی ترجمہ

¹³ آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

رومیوں 6:13 Referans Kwoze

رومیوں 12:1

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

رومیوں 7:5

جِیں ویلے اساں آپنڑی جِسمانی فطرت دے مطابق زندگی گُزریندے ہسے تاں شریعت گُناہ دیاں خواہشاں پیدا کریندی ہئی۔ تے ایہ خواہشاں ساڈے اَنگاں اُتے اثر کریندیاں ہَن تے ایجھے پھل پیدا کریندیاں ہَن جِنہاں دا انجام موت ہے۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

کلُسِّیوں 2:13

تُساں تاں آپنڑے گُناہاں دے سببّوں تے ختنہ نہ کراوݨ دے سببّوں مُردہ ہَوے، پر خُدا تُہاکُوں مسیح نال زندہ کیتے۔ اُوں ساڈے سارے گُناہ معاف کر ڈِتے

1کُرِنتھِیوں 6:20

کیوں جو قیمت نال مُل گِھدے گئے ہیوے۔ بس آپنڑے بدن تُوں خُدا دا جلال ظاہر کرو۔

1 یُوحنّا 1:9

پر جے اساں آپنڑے گُناہاں دا اِقرار کرُوں تاں او ساڈے گُناہ معاف کرݨ تے ساکُوں بُرائی کنُوں پاک کرݨ ءچ وفادار تے عادل ہے۔

1کُرِنتھِیوں 6:15

کیا تُساں نئیں جانڑدے جو تُہاڈے بدن مسیح دے اَنگ ہِن؟ کیا مَیں مسیح دے انگاں کُوں گِھن تے کہیں طوائف نال جوڑ ڈیواں؟ ہرگز نئیں!

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

رومیوں 6:19

مَیں تُہاڈی اِنسانی کمزوری دی وجہ کنُوں، غُلامی دی ایہ مثال ڈیندا پِیا ہاں۔ جِینویں تُساں آپنڑے انگاں کُوں بدکاری کرݨ کیتے ناپاکی تے بدکاری دی غُلامی ءچ ڈے ڈِتا ہا، ہُنڑ آپنڑے انگاں کُوں پاک تھیوݨ کیتے راستبازی دی غُلامی ءچ ڈے ڈیؤ۔

2کُرِنتھِیوں 10:4

کیوں جو ساڈی لڑائی دے ہتھیار دُنیاوی نئیں بلکہ خُدا دی طرفوں مضبوط قلعیاں کُوں ڈھا ڈیوݨ دی قُدرت رکھیندے ہِن۔

رومیوں 6:11

اِینویں ای تُساں وی آپنڑے آپ کُوں گُناہ دے لحاظ نال تاں مُردہ، پر خُدا دے جلال کیتے یسُوع مسیح ءچ زندہ سمجھو۔

اِفِسیوں 5:14

کیوں جو جیہڑا کُجھ روشنی ءچ گِھن آیا ویندے، او روشن تھی ویندے۔ اِیں واسطے فرمایا گئے جو ”اے سمنڑ آلے، جاگ مُردیاں ءچوں زندہ تھی وَنج تاں مسیح دا نُور تیڈے اُتے چمکسی۔“

2کُرِنتھِیوں 8:5

تے صرف ساڈی اُمید دے مطابق ای نئیں ڈِتا بلکہ پہلے آپنڑے آپ کُوں خُداوند کیتے وقف کیتا تے وَل خُدا دی مرضی نال ساڈے کیتے وی۔

2کُرِنتھِیوں 5:15

تے او اِیں واسطے ساریاں دی خاطر مویا جو جیہڑے زندہ ہِن او اگُوں تے آپنڑے کیتے زندہ نہ راہوݨ بلکہ صرف اُوندے کیتے جیہڑا اُنہاں کیتے مویا تے ولا زندہ تھی گِیا۔

رومیوں 7:23

پر میکُوں آپنڑے انگاں ءچ ہِک بئی شریعت نظر آندی ہے جیہڑی میڈی عقل دی شریعت نال لڑ تے میکُوں گُناہ دی اُوں شریعت دا قیدی بنڑا ڈیندی ہے جیہڑی میڈے انگاں ءچ کم کریندی ہے۔

لُوقا 15:32

پر خوشی مناوݨ تے شادمان تھیوݨ لازم ہا کیوں جو تیڈا ایہ بِھرا مر گِیا ہا، ہُنڑ زندہ تھئے، گُم تھی گِیا ہا، ہُنڑ مِل گئے‘۔“

یعقُوب 4:1

تُہاڈے ءچ لڑائیاں تے جھیڑے کِتھوں آ گئے۔ کیا او اُنہاں نفسانی خواہشاں تُوں نئیں جیہڑیاں تُہاڈے ءچ فساد پیدا کریندیاں ہِن؟

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

لُوقا 15:24

کیوں جو میڈا ایہ پوتر مر گِیا ہا، ہُنڑ زندہ تھئے، گُم تھی گِیا ہا، ہُنڑ مِلیا ہے۔‘ بس او خوشی مناوݨ لگے۔

2تھِسّلُنیکیوں 2:12

تے جِتّی لوک سچائی دا یقین نئیں کریندے بلکہ بُرائی کُوں پسند کریندے ہِن، او سبھ سزا پیسن۔

2کُرِنتھِیوں 5:14

اساں مسیح دی محبت دے سببّوں مجبور ہیں کیوں جو اساں اِیں نتیجے اُتے پُجے ہیں جو جِیں ویلے مسیح ساریاں کیتے مویا تاں اِیندا مطلب ہے جو سبھ مر گئے۔

2 تِیمُتھِیُس 2:15

کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔