رومیوں 5:21 - کِتاب مُقدّس سرائیکی ترجمہ

²¹ تاں جو جِینویں گُناہ موت دے ذریعے حکُومت کیتی، اُونویں ای خُدا دا فضل وی راستبازی دے ذریعے حکُومت کریسی تے ساڈے خُداوند یسُوع مسیح دے وسیلے نال ہمیشاں دی زندگی ڈیسی۔

رومیوں 5:21 Referans Kwoze

طِطُس 2:11

کیوں جو خُدا دا او فضل ظاہر تھی گِیا ہے جیہڑا یکے اِنساناں دی نجات دا سبب ہے۔

رومیوں 5:14

وَل وی آدم کنُوں مُوسیٰ تئیں موت اُنہاں اُتے وی حکُومت کیتی، جِنہاں آدم دی نافرمانی وانگُوں گُناہ نہ کیتا، جیہڑا آوݨ آلے مسیح دو اِشارہ ہا۔

رومیوں 8:10

پر جے مسیح تُہاڈے ءچ ہے تاں بے شک تُہاڈا جِسم تاں گُناہ دی وجہ کنُوں مُردہ ہے پر تُہاڈی رُوح راستبازی دی وجہ کنُوں زندہ ہے۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 6:14

کیوں جو تُساں شریعت دے ماتحت نئیں بلکہ فضل دے ماتحت ہیوے، اِیں واسطے گُناہ دا تُہاڈے اُتے اِختیار نہ ہوسی۔

رومیوں 5:12

بس جِینویں ہِک بندے دے سببّوں گُناہ دُنیا ءچ آیا تے گُناہ دے سببّوں موت آ گئی تے اِینویں موت سارے اِنساناں ءچ پھیل گئی کیوں جو ساریاں گُناہ کیتا۔

رومیوں 5:17

کیوں جو جڈاں ہِک بندے دے گُناہ دی وجہ کنُوں موت ساریاں اُتے حکُومت کیتی تاں جیہڑے لوک خُدا دے بہُوں زیادہ فضل تے راستبازی دی نعمت حاصل کریندے ہِن، او وی ہِک بندے یعنی یسُوع مسیح دے وسیلے نال ہمیشاں دی زندگی ءچ ضرور حکُومت کریسن۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

1 یُوحنّا 2:25

تے جیہڑا وعدہ اُوں ساڈے نال کیتے، او ہمیشاں دی زندگی ہے۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

رومیوں 4:13

کیوں جو خُدا ابرہام تے اُوندی نسل نال وعدہ کیتا ہا جو او دُنیا دے وارث ہوسن، پر ایہ وعدہ شریعت دے سببّوں نہ کیتا گِیا ہا بلکہ اُوں راستبازی دے سببّوں جیہڑی اِیمان دے وسیلے نال مِلدی ہے۔

یُوحنّا 10:28

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

رومیوں 6:12

بس گُناہ کُوں آپنڑے فانی جِسم اُتے حکُومت نہ کرݨ ڈیؤ تاں جو او تُہاکُوں آپنڑی خواہشاں دے تابع نہ رکھ سگے۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔