رومیوں 5:1 - کِتاب مُقدّس سرائیکی ترجمہ

¹ بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

رومیوں 5:1 Referans Kwoze

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

کلُسِّیوں 1:20

اُوندی ایہ مرضی ہئی جو مسیح دے وسیلے سبھ چیزاں نال آپنڑی صُلح کر گِھنے بھانویں او اسمان دیاں ہووݨ یا زمین دیاں۔ اُوں مسیح دے خون دے وسیلے جیہڑا صلیب اُتے وہایا گِیا صُلح سلامتی قائم کیتی۔

رومیوں 6:23

کیوں جو گُناہ دی مزدُوری موت ہے پر خُدا دی نعمت ساڈے خُداوند یسُوع مسیح ءچ ہمیشاں دی زندگی ہے۔

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

2تھِسّلُنیکیوں 3:16

ہُنڑ خُداوند جیہڑا اِطمینان دا چشمہ ہے خود تُہاکُوں ہمیشاں تے ہر حالت ءچ اِطمینان بخشے۔ خُداوند تُساں سبھ نال راہوے۔

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

رومیوں 4:5

پر جیہڑا بندہ کم نئیں کریندا بلکہ بدکاراں کُوں راستباز بنڑاوݨ آلے خُدا اُتے اِیمان رکھیندے، اُوندا اِیمان اُوندے کیتے راستبازی شمار کیتا ویندے۔

کلُسِّیوں 3:15

تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔

رومیوں 15:33

خُدا جیہڑا اِطمینان دا سرچشمہ ہے، تُساں ساریاں نال راہوے۔ آمین۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

رومیوں 5:18

اِیں واسطے جِینویں ہِک بندے دے گُناہ دے سببّوں سبھ آدمیاں کیتے موت دی سزا دا حُکم تھیّا، اُونویں ای راستبازی دے ہِکے کم دے سببّوں سارے آدمی راستباز کھڑ تے زندگی پیندن۔

لُوقا 19:42

”کاش جو تُوں اَج دے ڈینہہ جانڑ گِھندی جو تیڈی سلامتی کیندے ءچ ہے۔ پر ہُنڑ او تیڈے اکھیں کنُوں اوڈھر تھی گئیاں ہِن۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

لُوقا 19:38

جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

رومیوں 10:10

کیوں جو راستباز کھڑائے ونجنڑ کیتے دل نال اِیمان گِھن آونڑاں ہوندے تے نجات حاصل کرݨ کیتے اِقرار مُنہ کنُوں کیتا ویندے۔

رومیوں 3:30

کیوں جو ہِک ای خُدا ہے جیہڑا ختنہ تھئے ہوئیاں تے ختنہ نہ تھئے ہوئے لوکاں، ڈُوہائیں کُوں اُنہاں دے اِیمان دے وسیلے نال راستباز کھڑیسی۔

رومیوں 1:17

کیوں جو خوشخبری خُدا دی راستبازی کُوں ظاہر کریندی ہے، او راستبازی جیہڑی اِیمان ای دے ذریعے حاصل تھیندی ہے، جِینویں پاک کلام ءچ لِکھیا ہے جو ”راستباز اِیمان نال زندہ راہسی۔“

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

گلتِیوں 3:25

پر ہُنڑ اِیمان دی راہ آ گئی ہے تے اساں شریعت دی نگہبانی ءچ نئیں ریہے۔

رومیوں 10:15

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”اُنہاں دے پیر کیجھے بختاں آلے ہِن جیہڑے خوشخبری سُنڑیندن۔“

رومیوں 9:30

بس اساں کیا آکھوں؟ ایہ جو غیریہُودی جیہڑے راستبازی دے طالب نہ ہَن راستبازی حاصل کیتی یعنی او راستبازی جیہڑی اِیمان نال ہے۔

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

رومیوں 5:11

تے نہ صرف ایہ بلکہ اساں آپنڑے خُداوند یسُوع المسیح دے ذریعے خُدا اُتے فخر کریندے ہیں جیندے وسیلے ساڈی خُدا نال صُلح تھی گئی ہے۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،