رومیوں 4:17 - کِتاب مُقدّس سرائیکی ترجمہ

¹⁷ جِینویں لِکھیا ہے جو ”مَیں تیکُوں بہُوں ساریاں قوماں دا پِیُو مقرر کیتے۔“ ابرہام خُدا دی نِگاہ ءچ ساڈا پِیُو ہے جیندے اُتے او اِیمان رکھیندا ہا تے جیہڑا مُردیاں کُوں زندہ کریندے تے غیر موجود چیزاں کُوں اِینویں سڈ گِھندے جِینویں او موجود ہِن۔

رومیوں 4:17 Referans Kwoze

1کُرِنتھِیوں 1:28

خُدا اِیں جہان دے ذلیل تے حقیر سمجھے ونجنڑ آلیاں کُوں بلکہ ناچیزاں کُوں چُنڑ گِھدا تاں جو اُنہاں چیزاں کُوں جیہڑیاں کُجھ سمجھیاں ویندیاں ہِن، فنا کرے۔

یُوحنّا 5:21

کیوں جو جِینویں باپ مُردیاں کُوں زندہ کر تے زندگی ڈیندے، اُونویں ای پوتر وی جِنہاں کُوں چاہندے زندگی ڈیندے۔

1 پطرس 2:10

پہلے تُساں کوئی اُمت نہ ہَوے، پر ہُنڑ خُدا دی اُمت بنڑ گئے ہیوے۔ پہلے تُہاڈے اُتے رحمت نہ تھئی ہئی پر ہُنڑ تُہاڈے اُتے رحمت تھئی ہے۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

عبرانیوں 11:12

اِینویں ہِک بندے کنُوں جیہڑا مُردہ جِیہا ہا، اسمان دے تارے تے سمندر دے کنارے دی ریت دے برابر اولاد پیدا تھئی۔

رومیوں 3:29

کیا خُدا صرف یہُودیاں دا خُدا ہے؟ کیا او غیریہُودیاں دا نئیں؟ بے شک او غیریہُودیاں دا وی ہے۔

2 پطرس 3:8

عزیزو! ہِک گالھ کڈھائیں نہ بُھلائے جو خُداوند دی نظر ءچ ہِک ڈینہہ ہزار سال تے ہزار سال ہِک ڈینہہ دے برابر ہِن۔

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

رومیوں 9:26

تے اِینویں تھیسی جو ”جِتھاں اُنہاں کُوں آکھیا گِیا جو تُساں میڈی قوم کائنی اُتھاں او زندہ خُدا دے پوتر اکھویسن۔“

1کُرِنتھِیوں 15:45

اِیں واسطے کلام ءچ لِکھیا وی ہے جو ”پہلا بندہ یعنی آدم زندہ اِنسان بنڑیا۔“ آخری آدم یعنی مسیح زندگی بخشنڑ آلی رُوح بنڑیا۔

رومیوں 4:2

جے او آپنڑے اعمال دی وجہ کنُوں راستباز کھڑدا تاں اُونکُوں فخر کرݨ دا حق ہوندا پر خُدا دے حضُور ءچ نئیں۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

متّی 3:9

تے آپنڑی اِیں بُھل ءچ نہ رہ ونجو جو ’ابرہام ساڈا پِیُو ہے،‘ کیوں جو مَیں تُہاکُوں آدھا ہاں جو خُدا اِنہاں پتھراں تُوں ابرہام کیتے اولاد پیدا کر سگدے۔

رومیوں 4:18

ابرہام نا اُمیدی ءچ وی اِیمان رکھیندا ہا تے بہُوں ساریاں قوماں دا پِیُو بنڑیا جِینویں جو اُونکُوں آکھیا گِیا ہا جو ”تیڈی نسل اِینویں ای ہوسی۔“

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

عبرانیوں 11:3

اِیمان دی وجہ کنُوں ساکُوں سمجھ آندی ہے جو ساری کائنات خُدا دے حُکم نال بنڑی ہے۔ جیہڑیاں چیزاں اساں ڈیدھے ہیں، او نظر آوݨ آلیاں چیزاں نال نئیں بنڑیاں۔