رومیوں 3:10 - کِتاب مُقدّس سرائیکی ترجمہ

¹⁰ جِینویں لِکھیا ہے جو ”کوئی نیک نئیں۔ ہِک وی نئیں۔

رومیوں 3:10 Referans Kwoze

رومیوں 3:23

کیوں جو ساریاں گُناہ کیتا تے خُدا دے جلال کنُوں محروم ہِن۔

متّی 15:19

کیوں جو بُرے خیال، قتل، زِنا کاریاں، حرامکاریاں، چوریاں، کُوڑے گواہیاں، بدگوئیاں دل کنُوں ای نِکلدیاں ہِن۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

مرقس 10:18

یسُوع اُونکُوں جواب ڈِتا، ”تُوں میکُوں نیک کیوں آدھا ہیں؟ کوئی نیک نئیں صرف ہِک ہے یعنی خُدا۔

1 پطرس 1:16

کیوں جو کلام ءچ لِکھیا ہے جو ”آپنڑے آپ کُوں پاک رکھو کیوں جو مَیں پاک ہاں۔“

رومیوں 3:4

ہرگز نئیں۔ بلکہ خُدا سچا ہے بھانویں ہر بندہ کُوڑا ہے۔ جِینویں پاک کلام ءچ لِکھیا ہے جو ”تُوں آپنڑے گالھیں ءچ سچا ثابت ہوسیں تے آپنڑے مقدمے ءچ جیت سیں۔“

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

رومیوں 11:8

جِینویں جو لِکھیا ہے جو ”خُدا اُنہاں کُوں سُست طبیعت ڈِتی تے ایجھے اکھیں جیہڑیاں نہ ڈیکھنڑ تے ایجھے کَن جیہڑے نہ سُنڑݨ تے اَج تئیں او اِینویں ای ہِن۔“

رومیوں 3:11

کوئی سمجھدار نئیں۔ کوئی خُدا دا طالب نئیں۔