رومیوں 2:29 - کِتاب مُقدّس سرائیکی ترجمہ

²⁹ بلکہ یہُودی اُوہو ہے جیہڑا دِلی طور تے یہُودی ہے تے ختنہ اُوہو ہے جیہڑا دل دا تے رُوحانی ہے نہ جو لِکھے ہوئے حُکم دا۔ ایجھے اِنسان دی تعریف آدمیاں دی طرفوں نئیں بلکہ خُدا دی طرفوں ہوندی ہے۔

رومیوں 2:29 Referans Kwoze

فِلِپّیوں 3:3

کیوں جو اصلی ختنہ کراوݨ آلے تاں اساں ہیں جیہڑے خُدا دے رُوح القُدس دی ہدایت نال عبادت کریندے تے مسیح یسُوع اُتے فخر کریندے ہیں تے جِسمانی گالھیں اُتے بھروسا نئیں کریندے،

1تھِسّلُنیکیوں 2:4

بلکہ جِینویں خُدا ساکُوں مقبول بندے سمجھ تے خوشخبری ساڈے سپُرد کیتی ہے، اُونویں ای اساں خوشخبری بیان کریندے ہیں۔ اساں آدمیاں کُوں نئیں بلکہ خُدا کُوں خوش کرݨ چاہندے ہیں جیہڑا ساڈے دِلاں کُوں پرکھدے۔

1 پطرس 3:4

بلکہ تُساں باطنی طور تے یعنی حلیمی تے نرم مزاجی نال آپنڑے آپ کُوں سنوارو۔ اِیں غیرفانی خوبصورتی دی خُدا دی نظر ءچ بہُوں قدر ہے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

2کُرِنتھِیوں 10:18

کیوں جو جیہڑا آپنڑی تعریف کریندے، او مقبول نئیں بلکہ جِینکُوں خُداوند نیک سمجھدے، اُوہو مقبول ہے۔

رومیوں 7:6

پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

رومیوں 2:27

بلکہ کیا او جِیندا ختنہ نہ تھیّا ہووے پر شریعت اُتے عمل کریندے، تیکُوں جِیندا ختنہ تھیّا تے جیندے کولھ شریعت ہے، پر اُوندے اُتے عمل نئیں کریندا، قصُوروار نہ کھڑیسی؟

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

یُوحنّا 12:43

کیوں جو او اِنسان تُوں عزت پاوݨ، خُدا تُوں عزت پاوݨ کنُوں زیادہ پسند کریندے ہَن۔

یُوحنّا 5:44

تُساں ہِک ڈُوجھے کنُوں عزت چاہندے ہیوے، تے جیہڑی عزت خُدائے واحد دی طرفوں مِلدی ہے اُونکُوں حاصل کرݨ نئیں چاہندے۔ تُساں کِینویں اِیمان گِھن آ سگدے ہیوے؟

لُوقا 11:39

پر خُداوند اُونکُوں آکھیا، ”فریسیو! تُساں پیالے تے تھالی کُوں باہر کنُوں تاں صاف کریندے ہیوے پر تُہاڈے اندر لُٹ دا مال تے بُرائی بھری پئی ہے۔

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

یُوحنّا 4:23

پر او وقت آوݨ آلا ہے بلکہ ہُنڑ ای ہے جو سچے عبادت کرݨ آلے رُوح تے سچائی نال باپ دی عبادت کریسن۔ کیوں جو باپ آپنڑے کیتے ایجھے ای عبادت کرݨ آلے گولھیندا ہے۔

لُوقا 17:21

تے لوک ایہ نہ اکھیسن جو ’ڈیکھو اِتھاں ہے‘ یا ’اُتھاں ہے۔‘ کیوں جو ڈیکھو خُدا دی بادشاہی تُہاڈے وچال ہے۔“

رومیوں 3:1

بس یہُودی ہووݨ دا کیا فائدہ ہے تے ختنہ ءچ کیا خُوبی ہے؟

1کُرِنتھِیوں 7:19

ختنہ کراوݨ یا نہ کراوݨ کوئی خاص گالھ نئیں بلکہ خُدا دے حُکماں اُتے عمل کرݨ ای سبھ کُجھ ہے۔