رومیوں 2:27 - کِتاب مُقدّس سرائیکی ترجمہ

²⁷ بلکہ کیا او جِیندا ختنہ نہ تھیّا ہووے پر شریعت اُتے عمل کریندے، تیکُوں جِیندا ختنہ تھیّا تے جیندے کولھ شریعت ہے، پر اُوندے اُتے عمل نئیں کریندا، قصُوروار نہ کھڑیسی؟

رومیوں 2:27 Referans Kwoze

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

رومیوں 8:4

تاں جو شریعت دے تقاضے ساڈے ءچ پُورے تھیوݨ، جیہڑے جِسمانی فطرت دے مطابق نئیں بلکہ رُوح القُدس دے مطابق زندگی گُزریندے ہیں۔

رومیوں 2:29

بلکہ یہُودی اُوہو ہے جیہڑا دِلی طور تے یہُودی ہے تے ختنہ اُوہو ہے جیہڑا دل دا تے رُوحانی ہے نہ جو لِکھے ہوئے حُکم دا۔ ایجھے اِنسان دی تعریف آدمیاں دی طرفوں نئیں بلکہ خُدا دی طرفوں ہوندی ہے۔

عبرانیوں 11:3

اِیمان دی وجہ کنُوں ساکُوں سمجھ آندی ہے جو ساری کائنات خُدا دے حُکم نال بنڑی ہے۔ جیہڑیاں چیزاں اساں ڈیدھے ہیں، او نظر آوݨ آلیاں چیزاں نال نئیں بنڑیاں۔

گلتِیوں 5:14

کیوں جو ساری شریعت اِیں ہِک گالھ ءچ ای پُوری تھی ویندی ہے جو ”تُوں آپنڑے ہمسائے نال آپنڑے وانگُوں محبت رکھ۔“

رومیوں 13:10

محبت آپنڑے ہمسائے نال بُرائی نئیں کریندی اِیں واسطے محبت کرݨ شریعت کُوں پُورا کرݨ ہے۔

رومیوں 2:20

تے احمقاں کُوں سِکھاوݨ آلا تے بالاں دا اُستاد ہیں کیوں جو تیڈے کولھ شریعت ءچ علم تے حق دا نمونہ ہے،

اعمال 13:22

وَل اُوں ساؤل کُوں تخت تُوں لہاوݨ دے بعد داؤد کُوں اُنہاں دا بادشاہ بنڑایا جیندے بارے ءچ خُدا گواہی ڈِتی جو ’میکُوں یسّی دا پوتر داؤد مِل گئے جیہڑا میڈے دل دے مطابق ہے، اُوہو میڈی ساری مرضی کُوں پُورا کریسی۔‘

متّی 3:15

یسُوع جواب ڈِتا، ”ہُنڑ، اِینویں ای تھیوݨ ڈے، کیوں جو مناسب ہے جو اساں خُدا دی مرضی کُوں اِیں طرحاں ای پُورا کرُوں۔“ وَل اُوں تھیوݨ ڈِتا۔

رومیوں 2:15

او ایہ ظاہر کریندے ہِن جو شریعت دے حُکم اُنہاں دے دِلاں اُتے لِکھے ہوئے ہِن تے اُنہاں دا ضمیر وی اِیں گالھ دی گواہی ڈیندا ہے، کیوں جو اُنہاں دے خیال کہیں ویلے اُنہاں اُتے اِلزام لیندن تے کہیں ویلے اُنہاں کُوں بےقصُور آدھن۔

رومیوں 2:25

ختنہ دا فائدہ تاں ہے پر شرط ایہ ہے جو تُوں شریعت اُتے عمل کریں۔ پر جے تُوں شریعت دی نافرمانی کریندیں تاں تُوں اُنہاں دے برابر ہیں جیہڑے ختنہ نئیں کریندے۔

رومیوں 2:26

جے او بندہ جِیندا ختنہ نہ تھیّا ہووے، شریعت دے حُکماں اُتے عمل کریندے تاں کیا او ختنہ تھئے ہوئے لوکاں دے برابر نہ سمجھیا ویسی؟

رومیوں 3:30

کیوں جو ہِک ای خُدا ہے جیہڑا ختنہ تھئے ہوئیاں تے ختنہ نہ تھئے ہوئے لوکاں، ڈُوہائیں کُوں اُنہاں دے اِیمان دے وسیلے نال راستباز کھڑیسی۔

1کُرِنتھِیوں 7:19

ختنہ کراوݨ یا نہ کراوݨ کوئی خاص گالھ نئیں بلکہ خُدا دے حُکماں اُتے عمل کرݨ ای سبھ کُجھ ہے۔

اِفِسیوں 2:11

بس یاد رکھو جو ماضی ءچ تُساں جیہڑے پیدائشی طور تے غیر قوم آلے ہَوے، کیا ہَوے۔ ختنہ کراوݨ آلے یہُودی تُہاکُوں ”بغیر ختنہ آلے“ آدھے ہَن، بھانویں اُنہاں دا ختنہ صرف اِنسانی ہتھ نال جِسم ءچ کیتا ہویا کم ہے۔

2 تِیمُتھِیُس 3:15

تے تُوں چھوٹے لا کنُوں خُدا دے پاک صحیفیاں تُوں واقف ہیں جیہڑے تیکُوں مسیح یسُوع اُتے اِیمان گِھن آوݨ نال نجات حاصل کرݨ دی دانائی بخش سگدن۔