رومیوں 2:16 - کِتاب مُقدّس سرائیکی ترجمہ

¹⁶ ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

رومیوں 2:16 Referans Kwoze

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

اعمال 10:42

تے اُوں ساکُوں حُکم ڈِتا جو لوکاں ءچ تبلیغ کرُوں تے گواہی ڈیؤں جو ایہ اُوہو ہے جیہڑا خُدا دی طرفوں زندیاں تے مُردیاں دا مُنصف مقرر کیتا گئے۔

لُوقا 8:17

کوئی چیز لُکی نئیں جیہڑی ظاہر نہ تھی ویسی، تے نہ ای کوئی ایجھا بھید ہے جیہڑا کھولیا نہ ویسی تے نظر نہ آسی۔

1 پطرس 4:5

پر اُنہاں کُوں اُونکُوں حساب ڈیونڑا پوسی جیہڑا زندیاں تے مُردیاں دی عدالت کرݨ کُوں تیار ہے۔

رومیوں 3:6

ہرگز نئیں۔ جے اِینویں تھیوے تاں خُدا دُنیا دا اِنصاف کِینویں کریسی؟

2 پطرس 2:9

تاں ظاہر ہے جو خُداوند دیندار لوکاں کُوں ازمائش تُوں بچاوݨ تے بے دین لوکاں کُوں عدالت دے ڈینہہ تئیں سزا ءچ رکھنڑ جانڑدے

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

2 تِیمُتھِیُس 2:8

یسُوع مسیح کُوں یاد رکھ جیہڑا داؤد دی نسل ءچوں ہے تے مُردیاں ءچوں زندہ تھی گئے۔ ایہ اُوہو خوشخبری ہے جیہڑی مَیں سُنڑیندا ہاں۔

1 تِیمُتھِیُس 1:11

ایہ تعلیم مُبارک خُدا دے جلال آلی اُوں خوشخبری دے مطابق ہے جیہڑی میڈے سپُرد کیتی گئی ہے۔

رومیوں 16:25

خُدا دی تمجید ہووے جیہڑا تُہاکُوں میڈی خوشخبری یعنی یسُوع مسیح دی تبلیغ دے وسیلے مضبوط کر سگدا ہے، اُوں بھید دے مُکاشفہ دے مطابق جیہڑا ازل کنُوں لُکیا ریہا

یُوحنّا 12:48

جیہڑا کوئی میڈے اُتے اِیمان نئیں رکھیندا تے میڈے گالھیں کُوں قبول نئیں کریندا، ہِک ہے جیہڑا اُوندی عدالت کریسی یعنی جیہڑا کلام مَیں کیتے، آخری ڈینہہ اُوہو اُونکُوں سزا دے لائق کھڑیسی۔

عبرانیوں 9:27

تے جِینویں اِنسان دا ہِک پھیری مرݨ تے اُوندے بعد عدالت دا تھیوݨ مقرر ہے،

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

رومیوں 2:5

پر تُوں آپنڑے سخت تے توبہ نہ کرݨ آلے دل دے سببّوں آپنڑے کیتے غضب جمع کریندا پِیا ہیں، خُدا دے غضب دے ڈینہہ کیتے جڈاں خُدا دا سچا اِنصاف ظاہر تھیسی۔

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

گلتِیوں 1:11

بِھراؤ! مَیں تُہاکُوں ڈساوݨ چاہندا ہاں جو جیہڑی خوشخبری مَیں تُہاکُوں سُنڑائی ہے او کہیں اِنسان دی طرفوں نئیں۔

1کُرِنتھِیوں 15:1

ہُنڑ بِھراؤ! مَیں تُہاکُوں اُوہو خوشخبری یاد ڈیویندا ہاں، جیندی تبلیغ مَیں تُہاڈے ءچ کیتی ہے، جِینکُوں تُساں قبول کر گِھدے تے جیندے اُتے تُساں قائم وی ہیوے۔