رومیوں 2:13 - کِتاب مُقدّس سرائیکی ترجمہ

¹³ کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔

رومیوں 2:13 Referans Kwoze

1 یُوحنّا 3:7

بالو! کہیں دے دوکھے ءچ نہ اوائے۔ جیہڑا کوئی نیک کم کریندے، او نیک ہے جِینویں مسیح نیک ہے۔

رومیوں 2:25

ختنہ دا فائدہ تاں ہے پر شرط ایہ ہے جو تُوں شریعت اُتے عمل کریں۔ پر جے تُوں شریعت دی نافرمانی کریندیں تاں تُوں اُنہاں دے برابر ہیں جیہڑے ختنہ نئیں کریندے۔

گلتِیوں 2:16

پر ایہ جانڑدے ہیں جو اِنسان شریعت اُتے عمل کرݨ نال نئیں بلکہ صرف یسُوع المسیح اُتے اِیمان گِھن آوݨ نال راستباز کھڑایا ویندے۔ اِیں واسطے اساں وی مسیح یسُوع اُتے اِیمان گِھن آئے تاں جو شریعت اُتے عمل کرݨ نال نئیں بلکہ مسیح اُتے اِیمان گِھن آوݨ نال راستباز کھڑائے ونجُوں کیوں جو شریعت دے اعمال کنُوں تاں کوئی اِنسان راستباز نئیں کھڑایا وَنج سگدا۔

1 یُوحنّا 2:29

جڈاں تُساں جانڑدے ہیوے جو مسیح راستباز ہے تاں تُساں ایہ وی جانڑدے ہوسو جو جیہڑا کوئی راستبازی دے کم کریندے، او رُوحانی طور تے خُدا دا فرزند ہے۔

رومیوں 10:5

کیوں جو مُوسیٰ اُوں راستبازی دے بارے ءچ جیہڑی شریعت کنُوں ہے ایہ لِکھیا ہے جو ”جیہڑا اُنہاں حُکماں اُتے عمل کریندے او اُنہاں دے وسیلے زندہ راہسی۔“

لُوقا 8:21

اُوں جواب ءچ اُنہاں کُوں آکھیا جو ”میڈی ماء تے میڈے بِھرا تاں ایہ ہِن جیہڑے خُدا دا کلام سُنڑدے تے اُوندے اُتے عمل کریندے ہِن۔“

رومیوں 3:30

کیوں جو ہِک ای خُدا ہے جیہڑا ختنہ تھئے ہوئیاں تے ختنہ نہ تھئے ہوئے لوکاں، ڈُوہائیں کُوں اُنہاں دے اِیمان دے وسیلے نال راستباز کھڑیسی۔

اعمال 13:39

تے جیہڑے گالھیں کنُوں تُساں مُوسیٰ دی شریعت دے ذریعے نجات نہ پا سگدے ہَوے، ہُنڑ مسیح اُتے اِیمان گِھن آوݨ دے ذریعے ہر کہیں کُوں نجات مِل سگدی ہے۔

لُوقا 18:14

مَیں تُہاکُوں آدھا ہاں جو فریسی نئیں بلکہ محصُول گِھننڑ آلا خُدا دی نظر ءچ نیک بنڑ تے آپنڑے گھر گِیا کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا کوئی آپنڑے آپ کُوں چھوٹا بنڑیسی او وڈا کیتا ویسی۔“

گلتِیوں 5:4

تُساں جیہڑے شریعت دے وسیلے نال راستباز بنڑݨ چاہندے ہیوے، مسیح کنُوں اَنج تھی گئے ہیوے تے فضل تُوں محروم تھی گئے ہیوے۔

رومیوں 3:23

کیوں جو ساریاں گُناہ کیتا تے خُدا دے جلال کنُوں محروم ہِن۔

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

یُوحنّا 13:17

جے تُساں اِنہاں گالھیں کُوں جانڑدے ہیوے تاں مُبارک ہیوے پر شرط ایہ ہے جو اُنہاں اُتے عمل وی کرو۔

1کُرِنتھِیوں 4:4

میڈا ضمیر میکُوں ملامت نئیں کریندا پر اِیں تُوں مَیں بے قصُور ثابت نئیں تھیندا، بلکہ میڈا پرکھنڑ آلا خُداوند ہے۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔