رومیوں 16:7 - کِتاب مُقدّس سرائیکی ترجمہ

⁷ اندرُنِیکُس تے یُونِیاس کُوں سلام آکھو۔ او میڈے رشتہ دار ہِن تے میڈے نال قید ہَن تے رسُولاں ءچ مشہور ہِن تے مَیں کنُوں پہلے مسیح ءچ شامل تھئے۔

رومیوں 16:7 Referans Kwoze

رومیوں 16:21

میڈا ہم خدمت تِیمُتِھیُس تے میڈی قوم آلے لُوکِیُس، یاسون تے سوسِپطرُس تُہاکُوں سلام آدھے ہِن۔

رومیوں 16:11

میڈی قوم آلے ہیرودیون کُوں سلام آکھو۔ نَرکِسُس دے اُنہاں گھر آلیاں کُوں سلام آکھو جیہڑے خُداوند دے لوک ہِن۔

فِلیمون 1:23

اِپَفراس جیہڑا مسیح یسُوع دی خاطر میڈے نال قید ہے، تیکُوں سلام آدھے۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

گلتِیوں 1:22

یہُودیہ دیاں مسیحی کلیسیاواں میکُوں ذاتی طور تے نہ جانڑدیاں ہَن۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

1 یُوحنّا 4:13

خُدا آپنڑا رُوح القُدس ساکُوں ڈِتے، اِیں واسطے اساں جانڑدے ہیں جو خُدا ساڈے ءچ راہندے تے اساں اُوندے ءچ۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

گلتِیوں 2:6

جماعت دے او لوک جیہڑے وڈے سمجھے ویندے ہَن (او کیجھے وی ہَن، میکُوں اِیندے نال کُجھ واسطہ نئیں کیوں جو خُدا کہیں بندے دا طرفدار نئیں،) اُنہاں میڈی تبلیغ ءچ کُجھ اضافہ نہ کیتا۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

یُوحنّا 15:2

جیہڑی ٹاہنڑی میڈے ءچ ہے پر پھل نئیں ڈیندی اُونکُوں او کپ سٹیندے، تے جیہڑی پھل ڈیندی ہے اُونکُوں او چھنڈیندے تاں جو او زیادہ پھل ڈیوے۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

گلتِیوں 2:2

میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

رومیوں 8:11

خُدا یسُوع کُوں مُردیاں ءچوں زندہ کیتا تے اُوندا رُوح تُہاڈے ءچ وسیا ہویا ہے۔ او اُونہی رُوح القُدس دے وسیلے جیہڑا تُہاڈے ءچ ہے تُہاڈے فانی جِسماں کُوں وی زندہ کریسی جِینویں اُوں مسیح کُوں زندہ کیتا۔

رومیوں 9:3

کاش اِینویں تھی سگدا جو آپنڑے بِھرانواں دی خاطر جیہڑے میڈی قوم دے لوک ہِن، مَیں مسیح کنُوں جُدا تھی ویندا۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 16:6

مریم کُوں سلام آکھو، جئیں تُہاڈے واسطے بہُوں محنت کیتی۔

رومیوں 16:8

اَمپلیاطُس کُوں سلام آکھو جیہڑا خُداوند ءچ میڈا عزیز ہے۔

رومیوں 16:9

اُربانُس کُوں جیہڑا مسیح ءچ ساڈا ہم خدمت ہے تے میڈے عزیز استخُس کُوں سلام آکھو۔

رومیوں 16:10

اَپلِّیس کُوں سلام آکھو جیہڑا مسیح ءچ مقبول ہے۔ اَرسِتُبُولُس دے گھر آلیاں کُوں سلام آکھو۔

2کُرِنتھِیوں 12:2

مَیں مسیح اُتے اِیمان رکھنڑ آلے ہِک بندے کُوں جانڑدا ہاں جیہڑا چوڈھاں سال پہلے اچانک تریجھے اسمان تئیں چا گِھدا گِیا۔ مَیں نئیں جانڑدا جو او جِسم ءچ یا بغیر جِسم دے چاتا گِیا، خُدا ای جانڑدے۔