رومیوں 16:2 - کِتاب مُقدّس سرائیکی ترجمہ

² جو جِینویں مُقدّساں کُوں چاہیدے تُساں اُونکُوں خُداوند ءچ خوشی نال قبول کرو۔ جِیں کم ءچ اُونکُوں تُہاڈی مدد دی لوڑ ہووے، اُوندی مدد کرو کیوں جو او وی بہُوں ساریاں دی مددگار ریہی ہے بلکہ میڈی وی۔

رومیوں 16:2 Referans Kwoze

فِلِپّیوں 2:29

بس تُساں خُداوند ءچ وڈی خوشی نال اُوندا اِستقبال کرائے تے ایجھے لوکاں دی عزت کیتا کرو۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

2 یُوحنّا 1:10

جے کوئی تُہاڈے کولھ آوے پر ایہ تعلیم نہ ڈیوے تاں اُونکُوں آپنڑے گھر ءچ داخل نہ تھیوݨ ڈیؤ بلکہ سلام وی نہ کرو۔

فِلیمون 1:17

بس جے تُوں میکُوں آپنڑا ساتھی سمجھدیں تاں اُونکُوں اُونویں قبول کر جِینویں میکُوں قبول کریندیں۔

فِلیمون 1:12

ہُنڑ مَیں اُونکُوں یعنی آپنڑے دل دے ٹوٹے کُوں تیڈے کولھ واپس بھجیندا پِیا ہاں۔

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

2 تِیمُتھِیُس 1:18

خُداوند کرے جو قیامت آلے ڈینہہ اُوندے اُتے خُداوند دا رحم تھیوے۔ تیکُوں چنگی طرحاں پتا ہے جو اُوں اِفِسُس ءچ میڈی بہُوں خدمت کیتی ہئی۔

1 تِیمُتھِیُس 2:10

بلکہ آپنڑے آپ کُوں نیک کماں نال سنوارݨ جِینویں خُدا پرستی دا دعویٰ کرݨ آلیاں عورتاں کُوں مناسب ہے۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

اِفِسیوں 5:3

تُہاڈے ءچ حرام کاری یا کہیں قِسم دی ناپاکی یا لالچ دا ناں تئیں نہ گِھدا ونجے کیوں جو ایہ مُقدّساں کیتے مناسب نئیں۔

رومیوں 16:23

گِیُس، جیہڑا میڈی تے اِتھاں دی ساری کلیسیا دی مہمان نوازی کریندے، تُہاکُوں سلام آدھے۔ شہر دا خزانچی اِراستُس تے کوارتُس بِھرا تُہاکُوں سلام آدھے ہِن۔

رومیوں 16:9

اُربانُس کُوں جیہڑا مسیح ءچ ساڈا ہم خدمت ہے تے میڈے عزیز استخُس کُوں سلام آکھو۔

رومیوں 16:6

مریم کُوں سلام آکھو، جئیں تُہاڈے واسطے بہُوں محنت کیتی۔

رومیوں 15:7

جِینویں مسیح تُہاکُوں قبول کر گِھدے، اِینویں ای تُساں وی ہِک ڈُوجھے کُوں قبول کرو تاں جو خُدا کُوں جلال مِلے۔

اعمال 9:41

اُوں ہتھ پکڑ تے اُونکُوں کھڑا کیتا تے مُقدّساں تے بیوہ عورتاں کُوں سڈ تے تبِیتا کُوں زندہ اُنہاں دے حوالے کیتا۔

اعمال 9:39

پطرس اُٹھی تے اُنہاں نال ٹُر پِیا۔ جِیں ویلے اُتھاں پُجیا تاں اُونکُوں اُتلے کمرے ءچ گِھن گئے تے ساریاں بیوہ عورتاں روندیاں ہوئیاں اُوندے کولھ آ تے جیہڑے چولے تے کپڑے تبِیتا اُنہاں نال راہندے ہوئے بنڑائے ہَن، ڈِکھاوݨ لگیاں۔

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

رومیوں 16:15

فِلُلگُس، یُولیہ، نیریُوس تے اُوندی بھینڑ تے اُلُمپاس تے اُنہاں سبھ مُقدّساں کُوں جیہڑے اُنہاں دے نال ہِن، سلام آکھو۔