18 کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔
لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔
ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔
تے او ہلاک تھیوݨ آلیاں کیتے بُرائی دے ہر طرحاں دے دوکھے استعمال کریسی۔ او لوک اِیں واسطے ہلاک تھیسن جو اُنہاں حق کُوں قبول کرݨ تُوں اِنکار کیتے جیندے وسیلے او نجات پا سگدے ہَن۔
ایہ لوک تُہاڈیاں رفاقتی دعوتاں ءچ دریا ءچ لُکیاں ہوئیاں چٹاناں وانگُوں ہِن۔ ایہ ایجھے آجڑی ہِن جیہڑے بے دھڑک کھاندے ہِن۔ ایہ بغیر پانڑی دے بدلاں وانگُوں ہِن جِنہاں کُوں ہوا چا گِھن ویندی ہے۔ ایہ پتر کیر دے بے پھل درخت ہِن جیہڑے جڑھ کنُوں اُکھڑ گئے ہِن تے اِینویں ڈُوہائیں لحاظ نال مُردہ ہِن۔
کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔
کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔
اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔
اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔
تُہاڈی فرمانبرداری ساریاں ءچ مشہور تھی گئی ہے، اِیں واسطے مَیں تُہاڈے بارے ءچ خوش ہاں، پر ایہ چاہندا ہاں جو تُساں نیکی کرݨ دے بارے ءچ سمجھدار بنڑ ونجو تے بدی کرݨ دے بارے ءچ بھولے بنڑ ونجو۔
جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔
کوئی بندہ ڈُو مالکاں دی خدمت نئیں کر سگدا، کیوں جو یا او ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔
ایہ یسُوع مسیح دا مُکاشفہ ہے جیہڑا اُونکُوں خُدا اِیں واسطے ڈِتا جو او آپنڑے بندیاں کُوں او گالھیں ڈِکھاوے جِنہاں دا جلدی تھیوݨ ضرور ہے۔ اُوں آپنڑے فرشتہ کُوں بھیج تے ایہ گالھیں آپنڑے بندہ یُوحنّا اُتے ظاہر کیتیاں،
ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔
ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔
پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔