رومیوں 16:15 - کِتاب مُقدّس سرائیکی ترجمہ

¹⁵ فِلُلگُس، یُولیہ، نیریُوس تے اُوندی بھینڑ تے اُلُمپاس تے اُنہاں سبھ مُقدّساں کُوں جیہڑے اُنہاں دے نال ہِن، سلام آکھو۔

رومیوں 16:15 Referans Kwoze

رومیوں 16:2

جو جِینویں مُقدّساں کُوں چاہیدے تُساں اُونکُوں خُداوند ءچ خوشی نال قبول کرو۔ جِیں کم ءچ اُونکُوں تُہاڈی مدد دی لوڑ ہووے، اُوندی مدد کرو کیوں جو او وی بہُوں ساریاں دی مددگار ریہی ہے بلکہ میڈی وی۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

رومیوں 16:14

اَسُنکرِتُس، فلِگون، ہِرمیس، پترُباس، ہرماس تے اُنہاں بِھرانواں کُوں جیہڑے اُنہاں دے نال ہِن، سلام آکھو۔

متّی 5:47

تے جے تُساں صرف آپنڑے ای بِھرانواں کُوں سلام کرو تاں کیہڑی وڈی گالھ کریندے ہیوے؟ کیا غیر قوماں دے لوک وی اِینویں نئیں کریندے؟

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔