رومیوں 15:26 - کِتاب مُقدّس سرائیکی ترجمہ

²⁶ کیوں جو مَکِدُنیہ تے اَخیہ دے ایماندار یروشلیم دے غریب مُقدّساں کیتے چندہ بھیجنڑ چاہندے ہِن۔

رومیوں 15:26 Referans Kwoze

2کُرِنتھِیوں 9:12

کیوں جو تُہاڈی اِیں خدمت دے سببّوں نہ صرف مُقدّساں دیاں ضرورتاں پُوریاں تھیندیاں ہِن بلکہ بہُوں لوک خُدا دی خُوب شُکرگزاری کریندے ہِن۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

فِلیمون 1:5

کیوں جو میں سُنڑدا ہاں جو تُوں خُداوند یسُوع مسیح اُتے اِیمان رکھیندیں تے خُدا دے سارے مُقدّساں کیتے محبت رکھیندیں۔

1کُرِنتھِیوں 16:15

بِھراؤ! تُساں ستِفناس دے خاندان دے بارے ءچ تاں جانڑدے ہیوے جو او اَخیہ دے ساریاں کنُوں پہلے پھل ہِن تے مُقدّساں دی خدمت کرݨ ءچ لگے ہوئے ہِن۔ مَیں تُہاڈی مِنت کریندا ہاں

اعمال 18:12

جِیں ویلے گلیّو اَخیہ دا گورنر ہا تاں یہُودیاں رَل تے پولُس اُتے ہَلہ بول ڈِتا تے اُونکُوں پکڑ تے عدالت ءچ گِھن گئے،

اعمال 16:9

رات کُوں پولُس مَکِدُنیہ دے ہِک بندے کُوں رویا ءچ کھڑا ڈِٹھا جیہڑا پولُس دی مِنت کر تے آدھا ہے جو ”اِیں پار مَکِدُنیہ ءچ آ تے ساڈی مدد کر۔“

لُوقا 14:13

بلکہ جڈاں تُوں دعوت کریں تاں غریباں، ٹُنڈیاں، مَنڈیاں تے اندھیاں کُوں سڈ،

لُوقا 6:20

وَل اُوں آپنڑے شاگرداں اُتے نِگاہ کر تے آکھیا، ”مُبارک ہیوے تُساں جیہڑے غریب ہیوے کیوں جو خُدا دی بادشاہی تُہاڈی ہے۔

متّی 26:11

کیوں جو غریب تاں ہمیشاں تُہاڈے نال ہِن پر مَیں تُہاڈے نال ہمیشاں نہ راہساں۔

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

اعمال 16:12

اُتھوں اساں فِلپی روانہ تھئے جیہڑا ضلع مَکِدُنیہ دا وڈا شہر ہا تے جِتھاں بہُوں سارے رومی راہندے ہَن۔ اساں کُجھ ڈینہہ اُتھائیں ریہے۔

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

1کُرِنتھِیوں 16:5

مَیں مَکِدُنیہ تُوں تھیندا ہویا تُہاڈے کولھ آساں کیوں جو میکُوں مَکِدُنیہ تُوں تھی تے ونجنڑاں تاں ہے۔

2کُرِنتھِیوں 1:16

یعنی تُہاڈے کولُھوں تھیندا ہویا مَکِدُنیہ چلیا وَنجاں تے مَکِدُنیہ کنُوں وَل تُہاڈے کولھ آواں۔ اِیندے بعد تُساں میکُوں یہُودیہ دو روانہ کر ڈیوائے۔

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

2کُرِنتھِیوں 7:5

جِیں ویلے اساں مَکِدُنیہ پُجے تاں ساکُوں سکون نہ مِلیا۔ بلکہ ساکُوں چودھارُوں پریشانیاں دا سامنڑا کرنڑا پِیا، باہرُوں لڑائیاں ہَن تے اندرُوں دہشتاں۔

2کُرِنتھِیوں 9:4

اِینویں نہ تھیوے جو مَکِدُنیہ دے کُجھ لوک میڈے نال آوݨ تے تُہاکُوں تیار نہ پاوݨ تے تُہاڈے نال ساکُوں وی اُوں بھروسے دے سببّوں جیہڑا تُہاڈے اُتے ہا، شرمندہ تھیونڑا پووے۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

فِلِپّیوں 4:15

تُساں فِلپی دے راہنڑ آلیو چنگی طرحاں جانڑدے ہیوے جو خوشخبری دی خدمت دے شروع ءچ جِیں ویلے مَیں مَکِدُنیہ کنُوں روانہ تھیّا ہم تاں تُہاڈے علاوہ کہیں کلیسیا پیسے ڈیوݨ دے معاملے ءچ میڈی مدد نہ کیتی۔

1تھِسّلُنیکیوں 1:7

اِینویں تُساں مَکِدُنیہ تے اَخیہ دے سبھ اِیمانداراں کیتے نمونہ بنڑ گئے۔

1تھِسّلُنیکیوں 1:8

خُداوند دا پیغام تُہاڈے وسیلے نہ صرف مَکِدُنیہ تے اَخیہ ءچ پھیل گِیا، بلکہ تُہاڈا اِیمان جیہڑا خُدا اُتے ہے، اُوندی خبر ہر جاہ ایجھی پھیل گئی ہے جو ہُنڑ ساڈے آکھنڑ دی کوئی ضرورت کائنی۔

1تھِسّلُنیکیوں 4:10

تے تُساں مَکِدُنیہ دے سبھ بِھرانواں نال محبت کریندے ہیوے۔ وَل وی بِھراؤ! اساں تُہاکُوں نصیحت کریندے ہیں جو اِیندے ءچ بِیا وی ترقی کریندے راہو۔

1 تِیمُتھِیُس 1:3

مَیں مَکِدُنیہ دو روانہ تھیندے ویلے تیکُوں نصیحت کیتی ہئی جو تُوں اِفِسُس ءچ رہ تے، غلط تعلیم ڈیوݨ آلیاں کُوں تاکید کر جو او اِینویں کرݨ تُوں باز آ ونجنڑ،