رومیوں 15:25 - کِتاب مُقدّس سرائیکی ترجمہ

²⁵ پر ہُنڑ مَیں مُقدّساں دی خدمت کرݨ کیتے یروشلیم ویندا پِیا ہاں۔

رومیوں 15:25 Referans Kwoze

اعمال 24:17

بہُوں سالاں بعد مَیں آپنڑی قوم کُوں خیرات پُچاوݨ تے خُدا کُوں نذرانے پیش کرݨ کیتے یروشلیم آیا ہم۔

اعمال 19:21

اِنہاں گالھیں دے بعد پولُس پکّا اِرادہ کر گِھدا جو ”مَیں مَکِدُنیہ تے اَخیہ دے علاقے ءچوں تھیندا ہویا یروشلیم چلیا ویساں تے وَل اُتھوں روم وَنج تے اُوں شہر کُوں وی ڈیکھ ساں۔“

اعمال 20:22

ڈیکھو ہُنڑ مَیں رُوح دا پابند تھی تے یروشلیم ویندا پِیا ہاں تے میکُوں پتہ نئیں جو اُتھاں میڈے نال کیا تھیسی۔

اعمال 20:16

پولُس ایہ فیصلہ کر گِھدا ہا جو او اِفِسُس کولُھوں لنگھے تاں جو اُونکُوں آسِیہ ءچ مزید دیر نہ لگے۔ کیوں جو او جلدی نال یروشلیم وَنج تے پِنتیکُست دا ڈینہہ اُتھاں گُزارنڑاں چاہندا ہا۔

اعمال 18:21

بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔

گلتِیوں 2:10

اُنہاں صرف ایہ آکھیا جو غریباں کُوں یاد رکھائے۔ ایہ کرݨ کیتے تاں مَیں پہلے ای تیار ہم۔

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

رومیوں 12:13

مُقدّساں دیاں ضرورتاں پُوریاں کرو، مہمان نوازی کریندے راہو۔

2کُرِنتھِیوں 8:4

اُنہاں وڈے زور نال ساکُوں مِنت کیتی جو مُقدّساں کُوں خیرات ڈیوݨ ءچ ساکُوں وی شریک تھیوݨ ڈیؤ۔

2کُرِنتھِیوں 8:6

اِیں واسطے اساں طِطُس کُوں نصیحت کیتی جو جِینویں اُوں اِیں خیرات دے کم کُوں پہلے شروع کیتا ہا، اُونویں ای تُہاڈے ءچ اِیں کم کُوں پُورا کرے۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔

1کُرِنتھِیوں 16:4

جے میڈا ونجنڑ وی مناسب ہوسی تاں او میڈے نال ای ویسن۔