رومیوں 15:2 - کِتاب مُقدّس سرائیکی ترجمہ

² ساڈے ءچوں ہر بندہ آپنڑے ہمسائے کُوں اُوندی بھلائی کیتے خوش کرے تاں جو اُوندی رُوحانی ترقی تھیوے۔

رومیوں 15:2 Referans Kwoze

1کُرِنتھِیوں 10:24

کوئی آپنڑا فائدہ نہ گولھے بلکہ ڈُوجھے دا۔

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

1کُرِنتھِیوں 13:5

بدتمیزی نئیں کریندی، خود غرضی نئیں کریندی، جلدی کاوڑ ءچ نئیں آندی، ڈُوجھیاں دی غلطی یاد نئیں رکھیندی،

1کُرِنتھِیوں 10:23

”سبھ چیزاں جائز ہِن“ پر سبھ چیزاں مفید نئیں۔ سبھ چیزاں جائز تاں ہِن پر سبھ چیزاں ترقی دا سبب نئیں۔

1کُرِنتھِیوں 14:3

پر جیہڑا نبُوّت کریندے او لوکاں کُوں اُنہاں دی ترقی، نصیحت تے تسلی دے گالھیں آدھے۔

1کُرِنتھِیوں 14:26

بِھراؤ! وَل کیا کرنڑا چاہیدے؟ جِیں ویلے تُساں عبادت کیتے جمع تھیندے ہیوے تاں ہر ہِک دے دل ءچ کوئی زبُور یا تعلیم یا مُکاشفہ یا غیر زبان یا اُوندا ترجمہ ہوندے۔ بس سبھ کُجھ رُوحانی ترقی کیتے ہوونڑا چاہیدے۔

2کُرِنتھِیوں 12:19

کیا تُساں ہُنڑ تئیں اِیہو سمجھدے ہیوے جو اساں تُہاڈے سامنڑے آپنڑا دفاع پیش کریندے ہیں؟ اساں تاں مسیح دے بندے ہوندے ہوئے خُدا کُوں حاضر جاݨ تے بُولیندے ہیں تے عزیزو، اساں جیہڑا کُجھ وی کریندے ہیں او تُہاڈی ترقی کیتے کریندے ہیں۔

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔