رومیوں 15:19 - کِتاب مُقدّس سرائیکی ترجمہ

¹⁹ معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

رومیوں 15:19 Referans Kwoze

2کُرِنتھِیوں 12:12

مَیں بہُوں صبر نال، تے نشاناں تے عجیب کماں تے معجزیاں دے وسیلے نال تُہاڈے وچال رسُول ہووݨ دے ثبوت ظاہر کریندا ریہا۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔

گلتِیوں 3:5

خُدا جیہڑا تُہاکُوں رُوح القُدس بخشیندا تے معجزے ظاہر کریندا ہے۔ کیا او ایہ اِیں واسطے کریندے جو تُساں شریعت اُتے عمل کریندے ہیوے یا اِیں واسطے جو تُساں پیغام سُنڑ تے اِیمان گِھن آئے ہیوے؟

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

اعمال 20:6

پر اساں بے خمیری روٹی دی عید دے بعد فِلپی کنُوں جہاز ءچ روانہ تھئے تے پنج ڈینہہ بعد تروآس ءچ اُنہاں کُوں وَنج مِلے تے سَت ڈینہہ تئیں اُتھائیں ریہے۔

اعمال 17:10

رات تھیندے ای مسیحی بِھرانواں پولُس تے سِیلاس کُوں اُتھوں کنُوں بیرِیہ دو روانہ کر ڈِتا۔ جِیں ویلے او اُتھاں پُجے تاں یہُودی عبادت خانہ ءچ گئے۔

اعمال 20:20

جیہڑے گالھیں تُہاڈے فائدے کیتے ہَن اُنہاں کُوں مَیں بغیر کہیں جِھجک دے بیان کیتا بلکہ اعلانیہ طور تے گھر گھر وَنج تے سِکھایا۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

اعمال 18:19

جِیں ویلے پولُس اِفِسُس پُجیا تاں اُوں اَکوِلہ تے پرسکِلہ کُوں اُتھائیں چھوڑ ڈِتا۔ او خود ہِک عبادت خانہ ءچ وَنج تے یہُودیاں نال بحث کرݨ لگ پِیا۔

اعمال 18:1

اِیندے بعد پولُس اتھینے ءچوں نِکل تے کُرِنتُھس چلیا گِیا

اعمال 17:15

جیہڑے لوک پولُس دے نال ساتھی دے طور تے گئے، او اُونکُوں اتھینے ءچ چھوڑ تے اِیں حُکم نال وَل آئے جو سِیلاس تے تِیمُتِھیُس جلدی تُوں جلدی پولُس دے کولھ آوݨ۔

اعمال 16:18

او بہُوں ڈینہاں تئیں اِینویں ای کریندی ریہی۔ آخر پولُس بہُوں تنگ تھی گِیا تے اُوں مُڑ تے بدرُوح کُوں آکھیا جو ”مَیں تیکُوں یسُوع مسیح دے ناں نال حُکم ڈیندا ہاں جو اِیندے ءچوں نِکل وَنج۔“ تے اُونہی ویلے او بدرُوح اُوں چھوہیر ءچوں نِکل گئی۔

اعمال 15:12

وَل ساری جماعت چُپ ریہی تے پولُس تے برنباس دا بیان سُنڑݨ لگی جو خُدا اُنہاں دے ذریعے غیر قوماں ءچ کیجھے کیجھے معجزے تے عجیب کم ظاہر کیتے۔

اعمال 14:25

تے پِرگہ ءچ خُدا دا کلام سُنڑا تے اتلّیہ دو چلے گئے۔

اعمال 14:20

پر جِیں ویلے شاگرد اُوندے چودھارُوں آ کھڑے تھئے تاں او اُٹھی تے شہر ءچ آیا تے ڈُوجھے ڈینہہ برنباس نال دِربے چلیا گِیا۔

اعمال 14:10

تاں اُچی اواز ءچ آکھیا جو ”آپنڑے پیراں اُتے سِدھا کھڑا تھی وَنج۔“ بس او ٹپّا مار تے کھڑا تھی گِیا تے ٹُرݨ پِھرݨ لگا۔

اعمال 14:6

تاں او اِیندے تُوں واقف تھی تے لُکااُنیہ دے شہر لُسترہ تے دِربے تے نال دیاں وستیاں ءچ بھج گئے۔

اعمال 13:51

او آپنڑے پیراں دی دھُوڑ اُنہاں دے سامنڑے چِھنڈک تے اکُنیُم کُوں چلے گئے۔

اعمال 13:14

او ڈوہائیں پِرگہ کنُوں روانہ تھی تے پِسِدیہ دے شہر انطاکِیہ ءچ پُجے تے سبت دے ڈینہہ عبادت خانہ ءچ وَنج بیٹھے۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

یُوحنّا 4:48

یسُوع اُونکُوں آکھیا، ”جئیں تئیں تُساں لوک معجزہ تے عجیب کم نہ ڈیکھ گِھنو، اصلُوں اِیمان نہ گِھن آسو۔“

متّی 12:28

پر جے مَیں خُدا دی رُوح دی مدد نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

کلُسِّیوں 1:25

خُدا میکُوں کلیسیا دا خادم بنڑا تے ایہ ذمہ داری تُہاڈی خاطر ڈِتی جو مَیں اُوندے کلام دی تبلیغ پُوری طرحاں کراں۔

رومیوں 15:24

اِیں واسطے میکُوں اُمید ہے جو اسپین ویندے ویلے تُہاڈے کنُوں تھیندا ویساں، تے تُہاڈے نال چنگی طرحاں مُلاقات کرݨ تُوں بعد میکُوں اُمید ہے جو تُساں اگُوں دے سفر کیتے میڈی مدد کریسو۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

1کُرِنتھِیوں 2:4

مَیں پیغام تے تبلیغ کریندے ویلے حِکمت تے قائل کرݨ آلے الفاظ اِستعمال کرݨ دی بجائے صرف رُوح القُدس دی قوت اُتے بھروسا کیتا،

1تھِسّلُنیکیوں 1:5

کیوں جو ساڈی خوشخبری صرف لفظاں نال نئیں بلکہ قُدرت، رُوح القُدس تے پُورے یقین نال تُہاڈے تئیں پُجی ہے۔ تُساں جانڑدے ہیوے جو اساں تُہاڈے وچال تُہاڈی خاطر کِینویں زندگی گُزریندے ہسے۔