رومیوں 15:15 - کِتاب مُقدّس سرائیکی ترجمہ

¹⁵ وَل وی مَیں کُجھ گالھیں بہُوں دلیری نال تُہاکُوں یاد ڈیواوݨ کیتے لِکھیاں ہِن۔ خُدا میڈے اُتے فضل کیتے

رومیوں 15:15 Referans Kwoze

رومیوں 12:3

مَیں اُوں فضل دی وجہ کنُوں جیہڑا میڈے اُتے تھئے، تُہاڈے ءچوں ہر ہِک کُوں آدھا ہاں جو جِتنا سمجھنڑ مناسب ہے کوئی آپنڑے آپ کُوں اُوں کنُوں زیادہ نہ سمجھے بلکہ ہر ہِک آپنڑی حقیقت کُوں اُوں اِیمان دے ناپ دے مطابق چنگی طرحاں جاݨ گِھنے، جیہڑا خُدا اُونکُوں بخش ڈِتے۔

1کُرِنتھِیوں 15:10

پر ہُنڑ مَیں جیہڑا کُجھ ہاں، خُدا دے فضل نال ہاں، تے او فضل جیہڑا اُوں میڈے اُتے کیتا او ضائع نئیں تھیّا کیوں جو مَیں ساریاں تُوں زیادہ محنت کیتی، بےشک ایہ محنت مَیں آپنڑی کوشش نال نئیں بلکہ خُدا دے فضل نال کیتی، جیہڑا میڈے اُتے ہا۔

رومیوں 12:6

تے خُدا دا جیہڑا فضل ساڈے اُتے تھیّا ہے اُوندے مطابق ساکُوں طرحاں طرحاں دیاں نعمتاں مِلیاں ہِن۔ اِیں واسطے جِینکُوں نبُوّت کرݨ دی نعمت مِلی ہووے، او آپنڑے اِیمان دے مطابق نبُوّت کرے۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

1 یُوحنّا 5:13

مَیں تُہاکُوں جیہڑے خُدا دے پوتر دے ناں اُتے اِیمان گِھن آئے ہیوے، ایہ گالھیں اِیں واسطے لِکھیاں ہِن جو تُساں جاݨ گِھنو جو تُہاڈے کولھ ہمیشاں دی زندگی ہے۔

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

عبرانیوں 13:22

بِھراؤ، مَیں مِنت کریندا ہاں جو میڈے نصیحت دے گالھیں صبر نال سُنڑو، جِنہاں کُوں مَیں مختصر لِکھے۔

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

2 تِیمُتھِیُس 1:6

اِیہو وجہ ہے جو مَیں تیکُوں یاد ڈیویندا ہاں جو تُوں خُدا دی اُوں نعمت دی بھاہ کُوں نویں سرے تُوں بھڑکا ڈے جیہڑی میڈے ہتھ رکھنڑ نال تیکُوں مِلی ہے۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

1کُرِنتھِیوں 3:10

مَیں اُوں فضل دے مطابق جیہڑا خُدا میکُوں بخشیا ہے، ہِک ماہر مِستری وانگُوں بنیاد رکھی ہے تے کوئی ڈُوجھا اُوندے اُتے گھر بنڑیندا پئے۔ پر ہر ہِک کُوں خبردار راہونڑاں چاہیدے جو او کِینویں بنڑیندے۔